«التى قىز جابىلىپ ۇرعان»: استانادا وقۋشى وزىنە قول سالماق بولدى

فوتو: اشىق دەرەككوز

استانادا سوققىعا جىعىلعان ءجاسوسپىرىم ءوز-وزىنە قول جۇمساماق بولدى, دەپ حابارلايدى qandastar.kz  Skifnews.kz اقپارات پورتالىنا سالتەمە جاساپ. 

نەمولچيKZ قوعامدىق قورى ءبىر توپ قىزدان تاياق جەگەن 14 جاسار قىزدىڭ اناسىنىڭ ۇندەۋىن جاريالادى.

25 تامىز كۇنى التى قىز جابىلىپ جابىرلەنۋشىنى سوققىعا جىققان. ولار قىزدى قيراعان عيماراتقا اپارىپ, قىزدى ۇرىپ-سوققان.

«بەتىنەن ۇرعان, قىز قارسى تۇرا الماعان. سەبەبى التى قىز جابىلىپ ۇرعان. قىزدى كامەرا جوق جەردە ۇرعان», – دەيدى نەمولچيKZ قورى.

جاسوسپىرىمدەر 1,5 ساعات بويى قىزدى ۇرىپ-سوققان. وسىدان كەيىن ول 30-قاباتقا كوتەرىلىپ, ءوز-وزىنە قول جۇمساماق بولعان. بىراق كەيىنىرەك ۇيىنە بارىپ, قۇربىسىنا بولعان وقيعانى ايتىپ بەرگەن. كەلەسى كۇنى ول وقيعانى اناسىنا دا ايتقان. اناسى وقيعا ورنىنان ۆيدەو ءتۇسىرىپ, پوليتسياعا ارىز ءتۇسىردى.

ناتيجەسىندە, سوت-مەديتسينالىق ساراپتاماسى قىزدىڭ دەنەسىندە سوققىنىڭ ىزدەرىن انىقتاعان.

«تەرگەۋشى ىسكە قاتىستى قىزدىڭ اناسىنا دا, قورعاۋشىعا دا اقپارات بەرمەگەن. ءىس توقتاتىلعان. پوليتسيا بۇل ءىستى ەلەۋسىز قالدىردى», – دەپ جازىلعان نەمولچيKZ قورىنىڭ جەلىدەگى پاراقشاسىندا.

استانا پوليتسيا دەپارتامەنتى ءباسپاسوز قىزمەتىنىڭ حابارلاۋىنشا, اتا-انا مىندەتتەرىن تيىسىنشە ورىنداماعانى ءۇشىن زاڭدى وكىلدەر جاۋاپقا تارتىلدى.