«التىن السا, ۇيلەنەمىن»: تانىمال تەلەجۇرگىزۋشى وتاندىق بوكسشىلارعا ۇندەۋ جاسادى

فوتو: اشىق دەرەككوز

وتاندىق تەلەجۇرگىزۋشى, جۋرناليست رۋسلان ەسماعامبەتوۆ پاريجدەگى جازعى وليمپيادا ويىندارىندا بوكستان باق سىناپ جاتقان جىگىتتەرگە ۇندەۋگە جاسادى. ول بىلعارى قولعاپ شەبەرلەرىنىڭ ءبىرى التىن العان جاعدايدا شاڭىراق كوتەرەتىنىن حابارلادى, دەپ جازادى KAZ.NUR.KZ.

رۋسلان ەسماعامبەتوۆ ءوز سوزىندە قازاقستاندىق بوكسشىلارعا ءۇمىت ارتىپ وتىرعانىن العا تارتتى. «پاريجدە بوكستان ءتورت جىگىتتىڭ بىرەۋى التىن السا, بيىلدان قالماي ۇيلەنەمىن, ءسوز بەرەمىن. تورتەۋى تۇگەل التىن السا, ەرتەڭ-اق بەتاشار جاسايمىن. ءۇمىتتى اقتاڭىزدار, جىگىتتەر!», – دەدى ول. ايتا كەتەيىك, وسىعان دەيىن ءابيبا ابۋجاقىنوۆا وليمپيادادا جۇلدە الماعان سوڭ تۇرمىسقا شىعۋ تۋرالى ويىنان اينىپ قالعانىن ايتقان ەدى. ال باقىت سارسەكباەۆ پاريجدە شارشى الاڭعا شىققان قازاقستاندىق بوكسشىلاردى اياۋسىز سىناپ تاستادى.