«Altyn alsa, úılenemin»: tanymal telejúrgizýshi otandyq boksshylarǵa úndeý jasady

Foto: ashyq derekkóz

Otandyq telejúrgizýshi, jýrnalıst Rýslan Esmaǵambetov Parıjdegi jazǵy Olımpıada oıyndarynda bokstan baq synap jatqan jigitterge úndeýge jasady. Ol bylǵary qolǵap sheberleriniń biri altyn alǵan jaǵdaıda shańyraq kóteretinin habarlady, dep jazady KAZ.NUR.KZ.

Rýslan Esmaǵambetov óz sózinde qazaqstandyq boksshylarǵa úmit artyp otyrǵanyn alǵa tartty. «Parıjde bokstan tórt jigittiń bireýi altyn alsa, bıyldan qalmaı úılenemin, sóz beremin. Tórteýi túgel altyn alsa, erteń-aq betashar jasaımyn. Úmitti aqtańyzdar, jigitter!», – dedi ol. Aıta keteıik, osyǵan deıin Ábıba Ábýjaqynova Olımpıadada júlde almaǵan soń turmysqa shyǵý týraly oıynan aınyp qalǵanyn aıtqan edi. Al Baqyt Sársekbaev Parıjde sharshy alańǵa shyqqan qazaqstandyq boksshylardy aıaýsyz synap tastady.