«التىن وردا جانە ونىڭ مۇراگەرلەرىنىڭ ارابجازۋلى ەپيگرافيكاسى» تاقىرىبىندا حالىقارالىق عىلىمي سەمينار وتەدى

قازاقستان رەسپۋبليكاسى عىلىم جانە جوعارى ءبىلىم مينيسترلىگى عىلىم كوميتەتىنىڭ ر. ب. سۇلەيمەنوۆ اتىنداعى شىعىستانۋ ينستيتۋتى جانە يسلام ىنتىماقتاستىعى ۇيىمى (OIC) جانىنداعى يسلام تاريحى, ونەرى مەن مادەنيەتىن زەرتتەۋ ورتالىعى (IRCICA), اقتوبە وبلىسىنىڭ مادەنيەت, ارحيۆتەر جانە قۇجاتتاما باسقارماسى بىرلەسىپ, 2024 جىلعى 18 قىركۇيەكتە «التىن وردا جانە ونىڭ مۇراگەرلەرىنىڭ ارابجازۋلى ەپيگرافيكاسى» تاقىرىبىندا حالىقارالىق عىلىمي سەمينار وتكىزەدى.

بۇل حالىقارالىق عىلىمي سەمينار «التىن وردادان كەيىنگى قوعامنىڭ ءداستۇرى مەن مادەنيەتىندەگى ساباقتاستىق پەن وزگەرىستەر (باتىس قازاقستان, ەدىل-ورال, داعىستان, حورەزم ايماقتارىنداعى ەپيگرافيكالىق ەسكەرتكىشتەردى سالىستىرمالى زەرتتەۋ)» جوباسىن جۇزەگە اسىرۋدىڭ نەگىزگى ءبىر ءىس-شاراسى بولىپ تابىلادى.

سەمينار بارىسىندا كەلەسى تاقىرىپتار تالقىلانادى:

1. التىن وردا وركەنيەتى ورنالاسقان تاريحي ايماقتاردىڭ ەپيگرافيكاسى: جاڭا ولجالار جانە ولاردىڭ ينتەرپرەتاتسياسى;

2. قازاقستاننىڭ ەپيگرافيكالىق ەسكەرتكىشتەرىن كورشىلەس مەملەكەتتەردەگى ارابجازۋلى جادىگەرلەرمەن سالعاستىرمالى-سالىستىرمالى زەرتتەۋ;
3. التىن وردا وركەنيەتى تاريحي ايماقتارىنىڭ دامۋى جانە مادەني داستۇرلەردىڭ تۇراقتى تۇرلەرىنىڭ قالىپتاسۋى.

سەميناردىڭ جۇمىسى قازاق, ورىس, اعىلشىن تىلدەرىندە جۇرگىزىلەدى.
سەمينار جۇمىسى بارىسىندا جارىق كورگەن كىتاپتاردىڭ تانىستىرىلىمى بولادى:

1. اقتوبە وبلىسى اكىمدىگىنىڭ تاپسىرىسى بويىنشا شىعارىلعان ءمۇمينوۆ ءا.ق., دۇيسەنوۆ ب.د. «ابات-بايتاق» قورىمىنىڭ ارابجازۋلى ەپيگرافيكالىق ەسكەرتكىشتەرى. كىتاپ-البوم / ءمۇمينوۆ ءا.ق., دۇيسەنوۆ ب.د.; اللەن فرانك (اعىلشىن ءتىلى رەداكتورى, اقش) جانە ۇ.ا. وتەپبەرگەنوۆانىڭ (كورسەتكىشتەردى قۇراستىرۋشى, قازاقستان) قاتىسۋىمەن. – الماتى: التىن پاراق, 2023. – 496 ب. + «ابات-بايتاق» قورىمى ءفيلمىنىڭ ديسكىسى.
2. ءماشھۇر ءجۇسىپ كوپەي ۇلى. «ريسالا-ي جانايز (جانازا كىتابى)» / باسپاعا دايىنداعاندار: ح.ي. نازيروۆ, ع.ب. ىسقاقوۆ. جاۋاپتى رەداكتورى: ءا.ق. ءمۇمينوۆ. كىتاپتى ۇيلەستىرۋشى: ب.د. دۇيسەنوۆ. – الماتى: التىن پاراق, 2024. – 260 بەت.

حالىقارالىق عىلىمي سەمينارعا قاتىسۋ ءۇشىن باياندامالار مەن ءوتىنىش-حاتتاردى 2024 جىلدىڭ 31 تامىزىنا دەيىن ۇيىمداستىرۋ كوميتەتىنىڭ ەلەكتروندىق مەكەنجايلارىنا جىبەرۋلەرىڭىزدى سۇرايمىز:
kz.orientalstudies.2024@gmail.com,
shighistanu@mail.ru

سەمينارعا قاتىسۋ ءۇشىن جىبەرىلەتىن ءوتىنىم نىسانى:
1. قاتىسۋشىنىڭ تەگى, اتى, اكەسىنىڭ اتى.
2. قاتىسۋشىنىڭ جۇمىس ورنى, لاۋازىمى, عىلىمي دارەجەسى مەن اتاعى.
3. بايلانىس تەلەفوندارى, e-mail ادرەسى.
4. باياندامانىڭ اتاۋى.

ۇيىمداستىرۋ كوميتەتىنىڭ مەكەنجايى مەن بايلانىستارى: 050010, الماتى ق., قۇرمانعازى ك-ءسى, 29, ر.ب. سۇلەيمەنوۆ اتىنداعى شىعىستانۋ ينستيتۋتى.
انىقتاما تەلەفوندارى:
+ 7 707 157-95-71 – مەدەروۆا دينا ەسيركەپوۆنا,
+ 7 701 697-96-90 – كۋرمانباەۆا كۋرالاي سماگۋلوۆنا.
ماقالانى رەسىمدەۋگە قويىلاتىن تالاپتار:

1. ماقالانىڭ اتاۋى مەن ونىڭ ءماتىنى اراسىندا: اۆتوردىڭ تەگى, اتى, اكەسىنىڭ اتى, جۇمىس ورنى, لاۋازىمى, عىلىمي دارەجەسى ەكى تىلدە: ماقالا جازىلعان تىلدە جانە اعىلشىن تىلىندە قويىلادى.
2. ماقالانىڭ اتاۋى جانە ونىڭ ءتۇيىنى (شامامەن 200 ءسوز) باسىندا اعىلشىن تىلىندە بەرىلەدى.
3. ادەبيەتتەر مەن دەرەككوزدەر نومىرلەنەدى جانە ولاردىڭ ءتىزىمى ماقالانىڭ سوڭىندا بەرىلەدى. ماقالانىڭ ماتىنىندە سىلتەمەلەر تىك جاقشادا كورسەتىلەدى [1: 245].

حالىقارالىق سەمينارعا قاتىسۋ تۋرالى باياندامالار مەن ۇندەۋ حاتتار 2024 جىلدىڭ 1 قىركۇيەگىنە دەيىن مىنا مەكەن-جايعا جىبەرىلۋى كەرەك kz.orientalstudies.2024@gmail.com ; shighistanu@mail.ru

سەمينارعا قاتىسۋ شىعىندارىن جىبەرۋشى تاراپ كوتەرەدى. باياندامالارى تالقىلانعان ارنايى شاقىرىلعان قاتىسۋشىلاردىڭ قارجىلىق شىعىندارىن ۇيىمداستىرۋ كوميتەتى كوتەرەدى.

ۇيىمداستىرۋ كوميتەتى