«Altyn Ordany basyp alǵandardy toqtatýǵa meniń kúshim jeter emes» – bazar dırektory (VIDEO)

«Altyn Ordany basyp alǵandardyń kim ekeni belgisiz, kelip alyp bizden tek aqsha suraıdy. Olardy toqtatýǵa meniń kúshim jeter emes». Bul týraly Altyn Orda QazTrade LTD JShS dırektory Danııar Ábdiǵaparov habarlady, dep jazady «Adyrna» ulttyq portaly. 

«Altyn Ordada stýdent kezimnen bastap jumys isteımin. 2000 jyly osy «Altyn Ordaǵa» kontroler bolyp jumysqa kirgen edim. Ol kezde meniń jasym 19-da boldy. Altynbek Álpıev meniń basshym boldy, sol basshynyń qyzmetinde istedim. Altyn Ordany basyp alý tekseristen bastaldy. Keldi, tekserdi, bárin túsindirdik, kórsettik. Endi bilesizder, jumys bolǵandyqtan shataspaıtyn adam joq! Júmysta árbir adam shatasýy múmkin. Múmkin kóp zatty úlgere almaı qalǵan shyǵarmyz. Biraq ol kórsetken zatyn bárin oryndap, bárin ornyna keltirdik. Nalogyn da tóledik. SES-tiń de jaǵdaıyn jaqsarttyq. О́rt qaýipsizdigin de durystadyq. Búkil jaǵyn! Qanshama mekeme keldi, sol mekemeniń jumysynyń bárin atqaryp, tııanaqty oryndadyq. Taza bandıtızm oryn aldy. Ol jaqqa kóbi Qyrǵyzstannan keldi, Men bile alar emespin, olar qyzmetkerler me? Beıdjdary joq, esimderin aıtpaıdy. Olar kelip alyp tek aqsha suraıdy. Jańa ákimshiliktiń jumys istep jatqanyna 8 kún boldy. Eshqandaı zerthanalyq zertteýsiz. Laboratorııa bar, olardy qýyp jiberdi, baǵa kóterildi, halyq ashýly… Osy kúnge deıin narazylyq jalǵasýda. Olardy toqtatýǵa meniń kúshim jeter emes», – dep málimdedi Danııar Ábdiǵaparov.