الىپتارعا ارنالعان: اقتاۋداعى ەرەكشە ايالداما قازاقستاندىقتاردى تاڭعالدىردى

فوتو: ۆيدەودان سكرين

اقتاۋداعى ەرەكشە ايالداما قازاقستاندىقتاردىڭ نازارىن اۋداردى. بۇل تۋرالى qandastar.kz اقپارات اگەنتتىگى 31ارناعا سىلتەمە جاساپ حابارلايدى.

ەرەكشە ايالدامانىڭ ۆيدەولارى الەۋمەتتىك جەلىدە تارادى. جولاۋشىلارعا ارنالعان ورىندىقتىڭ بيىك بولعانى سونشا ورتا بويلى ادام وتىرا المايدى.

جۇرتتىڭ نازارىن اۋدارتقان جەلىدەگى ۆيدەودا قالا تۇرعىنى ايالدامانىڭ ورىندىعىنا سەكىرىپ ارەڭ مىنگەنىن كورۋگە بولادى. سەبەبى, وتىراتىن ورىننىڭ بيىكتىگى ءبىر مەترگە جۋىقتايدى.

قالا باسشىلىعى بۇل قۇرىلىسى اياقتالماعان جوبا ەكەنىن مالىمدەدى. جوسپار بويىنشا زاماناۋي ءارى قاۋىپسىز ايالدامانى مەردىگەر كومپانيا كەلەسى اپتادا ءبىتىرۋى ءتيىس. قۇرىلىستىڭ جوباعا ساي جۇرگىزىلۋىن مىندەتتى تۇردە تەكسەرىپ الامىز دەيدى شەنەۋنىكتەر.

“29 شاعىن اۋدانىنداعى ايالدامانىڭ ورناتىلۋى جوباسىنىڭ وزگەرۋىنە بايلانىستى قازىر قازبا جۇمىستارى مىنا جەردە ءجۇرىپ جاتىر. قازبا جۇمىستارى بىتكەن سوڭ قايتادان جوباعا سايكەس, ءوز قالپىنا قايتا قويىلادى. بۇرىلىستى الىپ تاستاپ زاماناۋي تالاپقا ساي ايالداما ورناتىلاتىن بولادى. پايدالانۋعا ءالى بەرىلگەن جوق”, – دەيدى مەردىگەر كومپانيانىڭ وكىلى ءاليما ايداربەكوۆ.