Alyptarǵa arnalǵan: Aqtaýdaǵy erekshe aıaldama qazaqstandyqtardy tańǵaldyrdy

Foto: vıdeodan skrın

Aqtaýdaǵy erekshe aıaldama qazaqstandyqtardyń nazaryn aýdardy. Bul týraly qandastar.kz aqparat agenttigi 31arnaǵa silteme jasap habarlaıdy.

Erekshe aıaldamanyń vıdeolary áleýmettik jelide tarady. Jolaýshylarǵa arnalǵan oryndyqtyń bıik bolǵany sonsha orta boıly adam otyra almaıdy.

Jurttyń nazaryn aýdartqan jelidegi vıdeoda qala turǵyny aıaldamanyń oryndyǵyna sekirip áreń mingenin kórýge bolady. Sebebi, otyratyn orynnyń bıiktigi bir metrge jýyqtaıdy.

Qala basshylyǵy bul qurylysy aıaqtalmaǵan joba ekenin málimdedi. Jospar boıynsha zamanaýı ári qaýipsiz aıaldamany merdiger kompanııa kelesi aptada bitirýi tıis. Qurylystyń jobaǵa saı júrgizilýin mindetti túrde tekserip alamyz deıdi sheneýnikter.

“29 shaǵyn aýdanyndaǵy aıaldamanyń ornatylýy jobasynyń ózgerýine baılanysty qazir qazba jumystary myna jerde júrip jatyr. Qazba jumystary bitken soń qaıtadan jobaǵa sáıkes, óz qalpyna qaıta qoıylady. Burylysty alyp tastap zamanaýı talapqa saı aıaldama ornatylatyn bolady. Paıdalanýǵa áli berilgen joq”, – deıdi merdiger kompanııanyń ókili Álıma Aıdarbekov.