جاڭالىقتار
Amanat پارتياسى فيليالىنىڭ بۇرىنعى باسشىسى
فوتو:gov.kz
Amanat پارتياسى فيليالىنىڭ جانە اقسۋ اۋدانى اكىمى اپپاراتىنىڭ بۇرىنعى باسشىسى سەرىكحان جاقىپوۆ ايەلىنىڭ جيەنىن زورلاعانى ءۇشىن ءومىر بويىنا سوتتالدى, دەپ جازدى qandastar.kz
سوت جابىق ەسىك جاعدايىندا وتكەندىكتەن, ءىستىڭ ءمان-جايى ايتىلمادى. ەر ادامنىڭ كىناسى كۋاگەرلەر مەن ساراپشىلاردىڭ كورسەتۋلەرىمەن دالەلدەندى. الايدا سوتتالۋشىنىڭ ءوزى ونى مويىنداماي, اقتاۋدى سۇرادى.
جابىرلەنۋشىنىڭ وكىلى سوتتالۋشىدان مورالدىق شىعىن رەتىندە 100 ميلليون تەڭگە سۇرادى.
سوت ەر ادامدى قىلمىستىق كودەكستىڭ 121-بابىنىڭ 4-بولىگى (سەكسۋالدىق سيپاتتاعى زورلىق-زومبىلىق ارەكەتتەرى) بويىنشا كىنالى دەپ تانىپ, ءومىر بويىنا باس بوستاندىعىنان ايىرۋ جازاسىنا كەستى. سوتتالعان ازامات 15 ميلليون تەڭگە مورالدىق شىعىن وتەۋگە مىندەتتەلدى.
ۇكىم زاڭدى كۇشىنە ەنگەن جوق.
«امانات» پارتياسى جەتىسۋ وبلىسى اقسۋ اۋداندىق فيليالىنىڭ ەكس-باسشىسى 2024 جىلدىڭ 1 تامىزىندا وز ەركىمەن قىزمەتىنەن كەتتى”, – دەلىنگەن حابارلامادا.
