جاڭالىقتار
Amanat پارتياسىنىڭ مۇشەسى جەتى جاستاعى بالانى زورلادى دەگەن كۇدىككە ءىلىندى
فوتو: اشىق دەرەككوز
Amanat پارتياسى اقسۋ اۋداندىق فيليالىنىڭ باسشىسى جاقىپوۆ سەرىكقان جىنىستىق سيپاتتاعى زورلىق-زومبىلىق جاسادى دەگەن كۇدىككە ءىلىندى. بۇل تۋرالى qandastar.kz اقسۋ اۋداندىق پوليتسيا بولىمىنە سىلتەمە جاساپ حابارلايدى.
مالىمەت بويىنشا, ساراپتاما 7 جاسار بالاعا كۇش قولدانۋ فاكتىسىن راستادى. بالانىڭ اناسى اقسۋ اۋداندىق ىشكى ىستەر بولىمىنە ارىز جازعان.
اقسۋ اۋداندىق پوليتسيا ءبولىمىنىڭ مالىمەتىنشە, كامەلەتكە تولماعان تۇلعاعا قاتىستى جىنىستىق سيپاتتاعى زورلىق فاكتىسى بويىنشا سوتقا دەيىنگى تەرگەۋ باستالدى.
كۇدىكتى ۇستالىپ, ۋاقىتشا ۇستاۋ يزولياتورىنا قامالدى. قاجەت سوت-مەديتسينالىق ساراپتامالار تاعايىندالىپ, تەرگەۋ شارالارى جۇرگىزىلىپ جاتىر. تەرگەۋ شەڭبەرىندەگى باسقا دەرەكتەر قىلمىستىق ءىس جۇرگىزۋ كودەكسىنىڭ 201-بابىنا ساي جاريالانبايدى, – دەلىنگەن حابارلامادا.
Amanat پارتياسىنىڭ جەتىسۋ وبلىستىق فيليالى جاقىپوۆتىڭ ەندى پارتيادا جۇمىس ىستەمەيتىنىن مالىمدەدى.
«امانات» پارتياسى جەتىسۋ وبلىسى اقسۋ اۋداندىق فيليالىنىڭ ەكس-باسشىسى 2024 جىلدىڭ 1 تامىزىندا وز ەركىمەن قىزمەتىنەن كەتتى, – دەلىنگەن حابارلامادا.
