امنيستيامەن شىعادى: سوت باقىتجان بايجانوۆتىڭ ءوتىنىشىن قاناعاتتاندىردى

ستەپنوگورسك قالالىق سوتىندا باقىتجان بايجانوۆتىڭ امنيستياعا بايلانىستى جازانى قىسقارتۋ تۋرالى ءوتىنىشى قارالدى, دەپ حابارلايدى Qandastar.kz  سايتى turkystan.kz-كە سىلتەمە جاساپ.

بايجانوۆتىڭ جازاسىن وتەۋ مەرزىمى 2027 جىلدىڭ 18 شىلدەسىندە اياقتالۋى ءتيىس ەدى. ەندى مەرزىم ۇشتەن بىرىنە قىسقارادى: سەگىز اي سەگىز كۇنگە, ياعني باقىتجان بايجانوۆ 2026 جىلدىڭ قاراشاسىندا بوستاندىققا شىعادى.

شەشىم قابىلداۋدا تۇزەتۋ مەكەمەسىنىڭ بەرگەن مىنەزدەمەسى جانە ونىڭ تالاپتاردى وتەۋى ءرول اتقاردى. جازاسىن وتەۋ بارىسىندا وعان وڭ مىنەزدەمە بەرىلگەن. سوت ۇكىمى بويىنشا تالاپتار تولىق كولەمدە وتەلگەن.

پروكۋرور دا بۇل پىكىردى قولداپ, ءوتىنىشتى قاناعاتتاندىرۋدى سۇرادى.

ەسكە سالا كەتەيىك, باقىتجان بايجانوۆ – بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ءىنىسى. ەكەۋى دە سالتانات نۇكەنوۆانىڭ ولىمىنە قاتىستى ءىس بويىنشا سوتتالعان. بايجانوۆ اسا اۋىر قىلمىستى جاسىرعانى ءۇشىن ءتورت جىلعا باس بوستاندىعىنان ايىرىلعان. ءوزىن كىناسىز دەپ ساناپ, اپەللياتسيا بەرگەنىمەن, ۇكىم وزگەرىسسىز قالعان بولاتىن.