«انالارىڭ قاتىگەز ادام دەگەن»: نازىم قاھارمان جوعارعى سوتقا جۇگىنەتىنىن ايتتى

فوتو: جوعارعى سوت

نازىم قاھارمان 30 ناۋرىزدا قۋاندىقتىڭ ادۆوكاتى حابارلاسىپ, ونىڭ اناسى اليمەنتتەر مەن باسقا مىندەتتەمەلەردى تولەۋدەن باس تارتقانىن جەتكىزگەن. سەبەبى بۇرىنعى اتاسىندا بالالاردان باسقا شىعىندار دا بولعان. سونىمەن قاتار بالالار اتا-اجەسىمەن تىعىز قارىم-قاتىناستا ەمەس ەكەنىن اتاپ وتكەن, دەپ حابارلايدى  qandastar.kz اقپارات پورتالى.

نازىم قاھارماننىڭ ايتۋىنشا, بارلىق شىعىن تۋرالى ءالى تولىق ايتىلماعان. وسى ۋاقىتقا دەيىن اليمەنتتەر تۋرالى كەلىسىم 2020 جىلى رەسمي اجىراسۋ كەزىندە قۋاندىقپەن جاسالعان اليمەنتتىك كەلىسىمشارت نەگىزىندە تولەنىپ كەلگەن, دەپ جازادى stan.kz.

«مۇنىمەن بارلىق شىعىن تۋرالى ايتىلعان جوق. وسى ۋاقىتقا دەيىن ءبارى قۋاندىق ەكەۋمىزدىڭ اليمەنتتىك كەلىسىمشارت شەڭبەرىندە, ياعني 2020 جىلى ءبىزدىڭ رەسمي اجىراسۋىمىز كەزىندە جاسالعان. دەگەنمەن قۋاندىقتا اليمەنت تولەۋدەن باس تارتۋ قۇقىعى بولعانىن ەسكەرىپ, ونى اكە قۇقىعىنان ايىرۋ تۋرالى ايتقان ەدىم. الايدا ول ءوزىنىڭ اكە رەتىندە جاۋاپكەرشىلىك الاتىنىن مويىندادى. بىراق وكىنىشكە قاراي, اليمەنتتەردى ۇنەمى ەسكە تۇسىرۋىمە تۋرا كەلىپ وتىردى. ونىڭ ادۆوكاتى بايانعا جازامىن. مىسالى, بيىلعى 28 ناۋرىزدا, ءبىز بۇل ۆيدەونى ءتۇسىرىپ وتىرعان كەزدە, ناۋرىز ايى ءۇشىن اليمەنتتەر ءالى دە تولەنبەدى. ولار وتكەن جىلدىڭ قاراشا, جەلتوقسان ايلارىندا عانا اليمەنتتى جۇيەلى تۇردە تولەي باستادى. 28 ناۋرىزدا مەن ۆيدەو جازدىم. ال 30 ناۋرىزدا مەنىمەن بيشىمباەۆتار وتباسىنىڭ ادۆوكاتى بايلانىسقا شىقتى. ولار بۇل ۆيدەونىڭ بارىن بىلمەدى. ءارى, مەنى بىرنەشە جىل بويى جالا جاۋىپ, قورلاپ جۇرگەن سوڭ – بۇل ولار ءۇشىن كۇتپەگەن جاعداي بولدى», – دەپ ءتۇسىندىردى نازىم قاھارمان.

مالىمەتتەرگە سەنسەك, بۇرىنعى قۋاندىقتىقتىڭ وتباسى بالاسىنىڭ ءوزى اليمەنت تولەۋى كەرەك دەپ ايتقان. قۋاندىق ادۆوكاتى ارقىلى بۇل تۋرالى حابارلاپ, ونىڭ مۇلكى اناسىنا تىركەلگەنىن, ال اناسى قۇجاتتارىن جوعالتىپ العانىن نەمەسە جاقىن تۋىستارىنا جىبەرىپ قويعانىن ەسكەرتەدى. نازىمنىڭ ايتۋىنشا, قۋاندىقتىڭ ادۆوكاتى اليمەنتتەردى تولەۋ ءۇشىن تۇرمەدە وتىرىپ جۇمىس تابۋعا ۋاقىت سۇراپ وتىر.

«اتا-اناسى بۇل ۆيدەونى بىلمەدى. ءارى مەنى بىرنەشە جىل بويى جالا جاۋىپ, قورلاپ جۇرگەن سوڭ بۇل ولار ءۇشىن كۇتپەگەن جاعداي بولدى. مۇنداي ادامداردىڭ ءتيپى: قورلايدى, بىراق بىرەۋ جاۋاپ بەرەدى دەپ كۇتپەيدى. بۇلاردا سونداي ءبىر قاسيەت بار – انتيسوتسيالداردىڭ پارادوكسى. سونىمەن 30 ناۋرىزدا ادۆوكات “قۋاندىقتىڭ اناسى اليمەنتتەر مەن باسقا مىندەتتەمەلەردى تولەۋدەن باس تارتتى” دەپ حابارلادى. سەبەبى بۇرىنعى اتامنىڭ بالالاردان باسقا تاعى كوپتەگەن شىعىنى بار ەكەن. بالالاردىڭ ونىمەن تىعىس قارىم-قاتىناستا ەمەس ەكەنىن دە اتاپ ءوتتى. سوندىقتان قۋاندىق ءوزى تولەسىن دەپ ايتقان. ال قۋاندىق وسى ادۆوكات ارقىلى حابارلايدى: ول قۋانا-قۋانا تولەر ەدى, بىراق ونىڭ بارلىق مۇلكى اناسىنا تىركەلگەن. ال اناسى… قۇجاتتى جوعالتىپ العان, باسقا جاقىن تۋىستارىنا جازىپ قويعان نەمەسە تەك ءوز نەمەرەلەرىنە تولەمەي تۇرعىسى كەلەدى. اناسىنىڭ ايتۋىنشا, قۋاندىق اليمەنتتەردى تولەۋ ءۇشىن تۇرمەدە وتىرىپ جۇمىس تاۋىپ الۋعا ۋاقىت سۇراپ وتىر ەكەن», – دەپ جازدى جەلىدەگى پاراقشاسىندا نازىم قاھارمان.

نازىم قاھارمان بۇل جاعدايدىڭ باسى مەن اياعى جوق ەكەنىن ايتىپ قىنجىلدى. ونىڭ ايتۋىنشا, بۇل وقيعا بارىنە ساباق بولماق.

«وسى كۇننەن باستاپ مۇنداي وتباسىنى كورمەستەي بولارمىن. الدا ءبىزدى جوعارعى سوت كۇتىپ تۇر. ءۇمىتىم بار, سوت سوڭعى نۇكتەسىن قويادى. تاعى ءبىر ماڭىزدى ءساتتى ايتا كەتەيىن. قىزىم رانيا ءالى دە اجەسىنىڭ كەي ارەكەتتەرىنە سەنىپ, ونى ايايدى. مەنىمەن سويلەسكەندە, وعان ۇناعان مەكتەپتى تاستاۋىنا تۋرا كەلەتىنىن ايتقاندا, ول ءوزى اجەسىمەن بايلانىسقا شىقتى. اجەسى نە دەدى? “بۇل وتىرىك, نەگە سەندەرگە بۇرىس اقپارات بەرىپ, ءبىزدى ودان سايىن جەك كورىپ جاتقانىن تۇسىنبەيمىن… ءبىز حات-حاباردا بولعىمىز كەلەدى… قولداۋعا مۇقتاجبىز…” دەيدى اجەسى. مانيپۋلياتسيا شىڭى – ز ۇلىمدىق. سىزدەر قالاي ويلايسىزدار, بالالارعا اقپاراتتى كىم جەتكىزەدى? مۇنداي جاعدايدا, ارينە, اناسى. ياعني ءمانيپۋلياتيۆتى تۇردە مىناداي ماعىنا جەتكىزىلەدى. «انالارىڭ سەندەرگە وتىرىك ايتىپ جاتىر. ول وتە قاتىگەز, مۇنى انالارىڭ ادەيى ىستەپ جاتىر. ءبىزدى جەك كورۋ ءۇشىن… ءبىزدىڭ تالابىمىزدى ورىنداساڭدار, سوندا مەن مەكتەپتى تولەيمىن…» دەپ قىزىما جاۋاپ بەرگەن», – دەدى نازىم قاھارمان.

نازىمنىڭ ايتۋىنشا, قۋاندىقتىڭ اناسى نەمەرە قىزىمەن سويلەسكەندە ءبىر نارسەنى ۇمىتىپ كەتكەن. نازىم بۇل وتباسىنىڭ وكىلدەرىمەن بارلىق اڭگىمە ۆيدەو رەتىندە جازىلىپ جاتقانىن ەسكەرتتى. بالالار مۇنى مەنەن ەمەس, ءوز قۇلاعىمەن ەستىدى دەيدى نازىم.