«Analaryń qatygez adam degen»: Nazym Qaharman Joǵarǵy sotqa júginetinin aıtty

Foto: Joǵarǵy sot

Nazym Qaharman 30 naýryzda Qýandyqtyń advokaty habarlasyp, onyń anasy alımentter men basqa mindettemelerdi tóleýden bas tartqanyn jetkizgen. Sebebi burynǵy atasynda balalardan basqa shyǵyndar da bolǵan. Sonymen qatar balalar ata-ájesimen tyǵyz qarym-qatynasta emes ekenin atap ótken, dep habarlaıdy  qandastar.kz aqparat portaly.

Nazym Qaharmannyń aıtýynsha, barlyq shyǵyn týraly áli tolyq aıtylmaǵan. Osy ýaqytqa deıin alımentter týraly kelisim 2020 jyly resmı ajyrasý kezinde Qýandyqpen jasalǵan alımenttik kelisimshart negizinde tólenip kelgen, dep jazady stan.kz.

«Munymen barlyq shyǵyn týraly aıtylǵan joq. Osy ýaqytqa deıin bári Qýandyq ekeýmizdiń alımenttik kelisimshart sheńberinde, ıaǵnı 2020 jyly bizdiń resmı ajyrasýymyz kezinde jasalǵan. Degenmen Qýandyqta alıment tóleýden bas tartý quqyǵy bolǵanyn eskerip, ony áke quqyǵynan aıyrý týraly aıtqan edim. Alaıda ol óziniń áke retinde jaýapkershilik alatynyn moıyndady. Biraq ókinishke qaraı, alımentterdi únemi eske túsirýime týra kelip otyrdy. Onyń advokaty Baıanǵa jazamyn. Mysaly, bıylǵy 28 naýryzda, biz bul vıdeony túsirip otyrǵan kezde, naýryz aıy úshin alımentter áli de tólenbedi. Olar ótken jyldyń qarasha, jeltoqsan aılarynda ǵana alımentti júıeli túrde tóleı bastady. 28 naýryzda men vıdeo jazdym. Al 30 naýryzda menimen Bıshimbaevtar otbasynyń advokaty baılanysqa shyqty. Olar bul vıdeonyń baryn bilmedi. Ári, meni birneshe jyl boıy jala jaýyp, qorlap júrgen soń – bul olar úshin kútpegen jaǵdaı boldy», – dep túsindirdi Nazym Qaharman.

Málimetterge sensek, burynǵy Qýandyqtyqtyń otbasy balasynyń ózi alıment tóleýi kerek dep aıtqan. Qýandyq advokaty arqyly bul týraly habarlap, onyń múlki anasyna tirkelgenin, al anasy qujattaryn joǵaltyp alǵanyn nemese jaqyn týystaryna jiberip qoıǵanyn eskertedi. Nazymnyń aıtýynsha, Qýandyqtyń advokaty alımentterdi tóleý úshin túrmede otyryp jumys tabýǵa ýaqyt surap otyr.

«Ata-anasy bul vıdeony bilmedi. Ári meni birneshe jyl boıy jala jaýyp, qorlap júrgen soń bul olar úshin kútpegen jaǵdaı boldy. Mundaı adamdardyń tıpi: qorlaıdy, biraq bireý jaýap beredi dep kútpeıdi. Bularda sondaı bir qasıet bar – antısoıaldardyń paradoksy. Sonymen 30 naýryzda advokat “Qýandyqtyń anasy alımentter men basqa mindettemelerdi tóleýden bas tartty” dep habarlady. Sebebi burynǵy atamnyń balalardan basqa taǵy kóptegen shyǵyny bar eken. Balalardyń onymen tyǵys qarym-qatynasta emes ekenin de atap ótti. Sondyqtan Qýandyq ózi tólesin dep aıtqan. Al Qýandyq osy advokat arqyly habarlaıdy: ol qýana-qýana tóler edi, biraq onyń barlyq múlki anasyna tirkelgen. Al anasy… qujatty joǵaltyp alǵan, basqa jaqyn týystaryna jazyp qoıǵan nemese tek óz nemerelerine tólemeı turǵysy keledi. Anasynyń aıtýynsha, Qýandyq alımentterdi tóleý úshin túrmede otyryp jumys taýyp alýǵa ýaqyt surap otyr eken», – dep jazdy jelidegi paraqshasynda Nazym Qaharman.

Nazym Qaharman bul jaǵdaıdyń basy men aıaǵy joq ekenin aıtyp qynjyldy. Onyń aıtýynsha, bul oqıǵa bárine sabaq bolmaq.

«Osy kúnnen bastap mundaı otbasyny kórmesteı bolarmyn. Alda bizdi Joǵarǵy sot kútip tur. Úmitim bar, sot sońǵy núktesin qoıady. Taǵy bir mańyzdy sátti aıta keteıin. Qyzym Ranııa áli de ájesiniń keı áreketterine senip, ony aıaıdy. Menimen sóıleskende, oǵan unaǵan mektepti tastaýyna týra keletinin aıtqanda, ol ózi ájesimen baılanysqa shyqty. Ájesi ne dedi? “Bul ótirik, nege senderge burys aqparat berip, bizdi odan saıyn jek kórip jatqanyn túsinbeımin… Biz hat-habarda bolǵymyz keledi… Qoldaýǵa muqtajbyz…” deıdi ájesi. Manıpýlıaııa shyńy – zulymdyq. Sizder qalaı oılaısyzdar, balalarǵa aqparatty kim jetkizedi? Mundaı jaǵdaıda, árıne, anasy. Iaǵnı manıpýlıatıvti túrde mynadaı maǵyna jetkiziledi. «Analaryń senderge ótirik aıtyp jatyr. Ol óte qatygez, muny analaryń ádeıi istep jatyr. Bizdi jek kórý úshin… Bizdiń talabymyzdy oryndasańdar, sonda men mektepti tóleımin…» dep qyzyma jaýap bergen», – dedi Nazym Qaharman.

Nazymnyń aıtýynsha, Qýandyqtyń anasy nemere qyzymen sóıleskende bir nárseni umytyp ketken. Nazym bul otbasynyń ókilderimen barlyq áńgime vıdeo retinde jazylyp jatqanyn eskertti. Balalar muny menen emes, óz qulaǵymen estidi deıdi Nazym.