«انام قايتىپ كەلەتىندەي»: داۋلەت مۇقاەۆ مارقۇم اناسىن نە سەبەپتى شەتەلگە اپار الماعانىن ايتتى

ءماجىلىس دەپۋتاتى, بلوگەر داۋلەت مۇقاەۆ مارقۇم اناسىن شەتەلدە ەمدەتە الماۋىنىڭ سەبەبىن ءتۇسىندىردى. ايتۋىنشا, تۇركيا, رەسەي, گەرمانيا دارىگەرلەرى وزدەرىنە جاۋاپكەرشىلىك الا الماعان, دەپ حابارلايدى KYN.KZ اقپارات اگەنتتىگى.

جان ساقتاۋ بولىمىنە ءۇش رەت تۇسكەن اناسىنىڭ يممۋنيتەتى كۇن وتكەن سايىن السىرەي بەرگەن.

“كەيبىر ادامدار جازادى, “نەگە شەتەلگە اپارمادىڭ, جاعدايىڭ بار عوي” دەپ. بىلەسىز بە, ەگەر شەتەلدەن بىرەۋ بىزگە كەلسىن دەسە, ايعا دا اپارۋعا دايىن ەدىم. وكىنىشكە قاراي, تۇركيا, گەرمانيا, رەسەي دارىگەرلەرى ونداي جاۋاپكەرشىلىككە بارمايتىنىن ايتتى. سەبەبى ۋاقىت از ەدى. كۇن سايىن يممۋنيتەت السىرەي بەردى. تەك ونلاين كەڭەس الىپ, تەلەفون ارقىلى بايلانىستىق”, – دەپ جازدى بلوگەر.

داۋلەت مۇقاەۆ اناسىنىڭ قلىمىنە ءالى دە سەنە المايتىنىن جەتكىزدى.

“جان ساقتاۋ بولىمىنە ءۇش رەت ءتۇستى. ءۇشىنشىسى نەمەن اياقتالعانىن ءبارىڭىز بىلەسىزدەر. باسىندا ءبارى ءتۇس, ەلەس سياقتى. ابىر-سابىر, قاربالاس بولىپ جاتىر. كەيىن باسقا قالاعا كەتكەن سياقتى اسەر ەتتى. انام مىنە ءبىر-ەكى كۇندە قايتىپ كەلەتىندەي كورىنەدى. كۇندەر وتكەندە مۇنىڭ ءبارى كورگەن ءتۇس ەمەس, ۋاقىتشا ساپار ەمەس ەكەنىن تۇسىنەسىڭ. سەزىنگەن جانعا ەڭ اۋىر تيەتىنى وسى ەكەن”, – دەدى ءماجىلىس دەپۋتاتى.