«Anam qaıtyp keletindeı»: Dáýlet Muqaev marqum anasyn ne sebepti shetelge apar almaǵanyn aıtty

Májilis depýtaty, bloger Dáýlet Muqaev marqum anasyn shetelde emdete almaýynyń sebebin túsindirdi. Aıtýynsha, Túrkııa, Reseı, Germanııa dárigerleri ózderine jaýapkershilik ala almaǵan, dep habarlaıdy KYN.KZ aqparat agenttigi.

Jan saqtaý bólimine úsh ret túsken anasynyń ımmýnıteti kún ótken saıyn álsireı bergen.

“Keıbir adamdar jazady, “Nege shetelge aparmadyń, jaǵdaıyń bar ǵoı” dep. Bilesiz be, eger shetelden bireý bizge kelsin dese, Aıǵa da aparýǵa daıyn edim. О́kinishke qaraı, Túrkııa, Germanııa, Reseı dárigerleri ondaı jaýapkershilikke barmaıtynyn aıtty. Sebebi ýaqyt az edi. Kún saıyn ımmýnıtet álsireı berdi. Tek onlaın keńes alyp, telefon arqyly baılanystyq”, – dep jazdy bloger.

Dáýlet Muqaev anasynyń qlimine áli de sene almaıtynyn jetkizdi.

“Jan saqtaý bólimine úsh ret tústi. Úshinshisi nemen aıaqtalǵanyn bárińiz bilesizder. Basynda bári tús, eles sııaqty. Abyr-sabyr, qarbalas bolyp jatyr. Keıin basqa qalaǵa ketken sııaqty áser etti. Anam mine bir-eki kúnde qaıtyp keletindeı kórinedi. Kúnder ótkende munyń bári kórgen tús emes, ýaqytsha sapar emes ekenin túsinesiń. Sezingen janǵa eń aýyr tıetini osy eken”, – dedi Májilis depýtaty.