«Anama qysym kórsetip jatyr»: Aktrısa Aınur Ilııasovadan almatylyq dáriger aqsha talap etken

Belgili aktrısa, telejúrgizýshi Aınur Ilııasova medıına salasyna qatysty tosyn málimdeme jasady, dep habarlaıdy Qandastar.kz Stan.kz aqparat agenttigine silteme jasap.

«Almaty qalasy Qoǵamdyq densaýlyq saqtaý basqarmasynyń basshysyna ashyq úndeý jasaýǵa májbúrmin. Syzǵanov atyndaǵy ulttyq ǵylymı hırýrgııa ortalyǵynda bolǵan jaǵdaıdy kásibı etıkanyń óreskel buzylýy ári zańǵa qaıshy áreket dep esepteımin. 18 tamyzda anam atalǵan klınıkaǵa jatqyzylyp, 20 tamyzda oǵan ota jasaldy. Gospıtalızaııa kezinde ol tek shuǵyl baılanys úshin meniń telefon nómirimdi kórsetken bolatyn. Alaıda anestezıolog bul nómirdi óz maqsatynda paıdalanyp, maǵan habarlasyp aqsha talap etti. Men dırektordyń atyna shaǵym túsirgennen keıin, sol qyzmetker qaıtadan anamnyń qasyna kelip, otadan keıin tósekte jatqan anama qysym kórsetip, «qyzyńdy tynyshtandyr» dep aıtqan», – dedi Ilııasova.

Aktrısa bul áreketti zańsyz dep ashýlanyp, ortalyqqa qyzmettik tekserý júrgizýdi talap etti.

«Bul jaǵdaı «Halyq densaýlyǵy jáne densaýlyq saqtaý júıesi týraly» kodeksti, naýqastyń medıına qyzmetkerlerinen qurmet pen izgilik kórý quqyǵyn jáne medıına qyzmetkerleriniń ar-namys kodeksin buzady», – dep jazdy ol.