«اناما رەنجىدىم»: ناركەنجە سەرىكباەۆانىڭ قىزى جازبا جاريالادى

ءانشى ناركەنجە سەرىكباەۆانىڭ قىزى جانسايا سەرىكباەۆا جەلىدەگى پاراقشاسىندا اناسىمەن بولعان رەزونانس تۋدىرعان ماسەلە تۋرالى پىكىر ءبىلدىردى, دەپ حابارلايدى Qandastar.kz اقپارات پورتالى.

ول اناسىمەن بولعان جاعداي قوعامنىڭ باستى دەرتىن قوزعاپ, كوپشىلىككە ساباق بولعانىن ايتتى.

«سوڭعى ءۇش كۇندەگى جاعداي ءبارىڭىزدى سەلت ەتكىزبەي قويماعانى انىق. مەن اناممەن ارقاشان ماقتانامىن, بۇل جولىدا ەرلىك جاساپ ەشكىم قوزعاي الماي جۇرگەن,  قوعامنىڭ باستى دەرتىن قوزعادى. بۇل ارينە بارلىق مەكەمە باسشىلارىنا ساباق بولعانى ءسوزسىز.  بارلىق الەۋمەتتىك جەلىدە بىرەۋىڭىز جاقتاساڭىزدار,  بىرەۋىڭىز داتتادىڭىزدار. انامدى مازاققا اينالدىرىپ جاتىر. مەيلى ءبىز قاشاندا مىقتىمىز. بۇل سىناقتان دا ويناپ-ك ۇلىپ, باس كوتەرىپ ءوتىپ كەتەمىز.

بۇل جاعداي بىزگە كىمنىڭ كىم ەكەنىن تانىتتى, بۇرىڭعىدان دا شىڭداي ءتۇستى. ءبىزدىڭ قوعامنىڭ ءالسىز جەرى دە وسى باسقا بىرەۋدى جەردەن الىپ, جەرگە سالىپ تابالاۋعا شەبەرمىز.  مەيلى حالىق نە دەمەيدى?! مەن ءبارىن اللاعا تاپسىردىم. دەگەنمەن مەنىڭ كورگەنىم باسقا دۇنيە. اناما قولداۋ كورسەتۋ ءۇشىن وسى ماسەلە بارىسىندا انامنىڭ جانىنان تابىلدىم», — دەدى جانسايا سەرىكباەۆا.

سونداي-اق ول مساەلەنى سوڭىنا دەيىن جەتكىزبەي, كەشىرىم بەرە سالعانى ءۇشىن اناسىنا رەنجىگەنىن جاسىرمادى.

«جان جاقتان بەلگىلى ەل اعالارى كەلىپ, «ناركەنجە قارىنداسىم, كەشىرىمدى بولايىق دەپ ەكى تاراپ كەلىسىمگە كەلىڭدەر» دەگەندە انام كورەگەندىككە سالىنىپ, ەل اعالارىنىڭ سوزىنەن اتتاپ كەتە المادى. ءبىزدىڭ تاراپىمىزدان كەشىرىم بەرىلدى. نەگىزى بۇل جاعداي رەزونانس تۋدىردى. مەن دە اناما رەنجىپ:

«نەگە كەشىردىڭىز?  نەگە سوڭىنا دەيىن بارمادىڭىز?» دەگەن سۇراقتى مەن دە قويدىم.  سول كەزدە انام «ساياش, اللادان ۇلكەن ەمەسپىز,  ۇلكەن باسىمەن ەل اعالارى الدىمىزعا كەلىپ تۇرعاندا كەشىرىم بەرمەسەك, ءبىزدىڭ ادامگەرشىلىگىمىز قايدا قالدى?» دەپ توقتاتتى. وسىلاي ەكى جاق ورتاق شەشىمگە كەلدىك», — دەدى ءانشىنىڭ قىزى.