«Anama renjidim»: Narkenje Serikbaevanyń qyzy jazba jarııalady

Ánshi Narkenje Serikbaevanyń qyzy Jansaıa Serikbaeva jelidegi paraqshasynda anasymen bolǵan rezonans týdyrǵan másele týraly pikir bildirdi, dep habarlaıdy Qandastar.kz aqparat portaly.

Ol anasymen bolǵan jaǵdaı qoǵamnyń basty dertin qozǵap, kópshilikke sabaq bolǵanyn aıtty.

«Sońǵy úsh kúndegi jaǵdaı bárińizdi selt etkizbeı qoımaǵany anyq. Men anammen árqashan maqtanamyn, bul jolyda erlik jasap eshkim qozǵaı almaı júrgen,  qoǵamnyń basty dertin qozǵady. Bul árıne barlyq mekeme basshylaryna sabaq bolǵany sózsiz.  Barlyq áleýmettik jelide bireýińiz jaqtasańyzdar,  bireýińiz dattadyńyzdar. Anamdy mazaqqa aınaldyryp jatyr. Meıli biz qashanda myqtymyz. Bul synaqtan da oınap-kúlip, bas kóterip ótip ketemiz.

Bul jaǵdaı bizge kimniń kim ekenin tanytty, buryńǵydan da shyńdaı tústi. Bizdiń qoǵamnyń álsiz jeri de osy basqa bireýdi jerden alyp, jerge salyp tabalaýǵa shebermiz.  Meıli halyq ne demeıdi?! Men bárin Allaǵa tapsyrdym. Degenmen meniń kórgenim basqa dúnıe. Anama qoldaý kórsetý úshin osy másele barysynda anamnyń janynan tabyldym», — dedi Jansaıa Serikbaeva.

Sondaı-aq ol msáeleni sońyna deıin jetkizbeı, keshirim bere salǵany úshin anasyna renjigenin jasyrmady.

«Jan jaqtan belgili el aǵalary kelip, «Narkenje qaryndasym, keshirimdi bolaıyq dep eki tarap kelisimge kelińder» degende anam kóregendikke salynyp, el aǵalarynyń sózinen attap kete almady. Bizdiń tarapymyzdan keshirim berildi. Negizi bul jaǵdaı rezonans týdyrdy. Men de anama renjip:

«Nege keshirdińiz?  Nege sońyna deıin barmadyńyz?» degen suraqty men de qoıdym.  Sol kezde anam «Saıash, Alladan úlken emespiz,  úlken basymen el aǵalary aldymyzǵa kelip turǵanda keshirim bermesek, bizdiń adamgershiligimiz qaıda qaldy?» dep toqtatty. Osylaı eki jaq ortaq sheshimge keldik», — dedi ánshiniń qyzy.