جاڭالىقتار
ءانارۋ قالدىبەكتىڭ اكەسى قىزىن قۇتقارىپ قالۋ ءۇشىن جانىن سالۋدا
كەيدە ءبىز ومىردەگى ءبىر ساتتىك وقيعالالارعا قاراپ باعا بەرىپ جاتامىز. بىراق سول ساتتەگى جاعدايعا قانداي سەبەپ بولدى? ونىڭ استارىندا نە جاتىر? ويلانبايدى دا ەكەنبىز. بۇگىن انارۋمەن بىرنەشە مارتە سويلەستىم. سوندا تۇسىنگەنىم قازىر ءانارۋدىڭ جانىندا بالاپانىن قىزعىش قۇستاي قورعاپ, شىر-شىر ەتىپ اكەسى ءجۇر. اكەسىنىڭ جانىندا جۇرگەنىن ەستىپ, قاتتى قۋاندىم. ءتىپتى وسىنداي قيىن شاقتا ءانارۋدىڭ جانىندا اكەسى بولماسا, كوزىنىڭ جاسىن سۇرتپەسە, ەركەلەتىپ قۇشاعىنا باسپاسا, تەرەڭ كۇيزەلىستەن قۇربىلارى بولىپ, ءبىز شىعارا الماس ەدىك…
“اكەم انشىلىك ونەرىمە كومەكتەسپەيتىن بولدى” دەگەن ءانارۋدىڭ سول كەزدەگى وكىنىشىن مەن دە, ءانارۋ دا جاستىقتان با, تۇسىنبەگەن سەكىلدىمىز. سەبەبى اكەسى “قىزىم ءانشى بولسا, ءومىردىڭ بۇرالاڭ جولدارىنا ءتۇسىپ كەتۋى مۇمكىن. ودانشا وقۋىن وقىسىن, عىلىم, ءبىلىم قۋسىن” دەگەن جاماندىقتان ساقتاعانى ءارى قامقورلىعى ەكەن.
ءيا, اكەسى قانشا جەردەن قىزىنا قىرىق ۇيدەن تىيىپ, قامقورلىق كورسەتسە دە, جانقوش دەگەن ءۇيىرىلىپ سوققان قۇيىندى داۋىل قاتەرلى جولدارعا باستاعان.
مەنىڭ تۇسىنگەنىم, بۇل باتپاقتان ءانارۋدى ەڭ ءبىرىنشى سۋىرىپ الىپ شىعاتىن اكەسى. قۇربىلارى بولىپ, ءبىز دە قالدىبەك قۇرمانالى مىرزاعا ءۇمىت ارتىپ وتىرمىز.
قۇرمەتتى دوستار, پروۆاكاتسيالىق ۆيدەولارعا سەنىپ قالماي, قازاق قىزىنىڭ ار-نامىسىن قورعاۋعا ۇلەستەرىڭىزدى قوسىڭىزدار! ءبىزدىڭ بۇگىنگى ۇنسىزدىگىمىز – ەرتەڭ جاقىنىمىزعا زيانىن تيگىزۋى ابدەن مۇمكىن.
اقگۇل ايداربەكوۆا
