Ánarý Qaldybektiń ákesi qyzyn qutqaryp qalý úshin janyn salýda

Keıde biz ómirdegi bir sáttik oqıǵalalarǵa qarap baǵa berip jatamyz. Biraq sol sáttegi jaǵdaıǵa qandaı sebep boldy? Onyń astarynda ne jatyr? Oılanbaıdy da ekenbiz. Búgin Ánarýmen birneshe márte sóılestim. Sonda túsingenim qazir Ánarýdyń janynda balapanyn qyzǵysh qustaı qorǵap, shyr-shyr etip ákesi júr. Ákesiniń janynda júrgenin estip, qatty qýandym. Tipti osyndaı qıyn shaqta Ánarýdyń janynda ákesi bolmasa, kóziniń jasyn súrtpese, erkeletip qushaǵyna baspasa, tereń kúızelisten qurbylary bolyp, biz shyǵara almas edik…

“Ákem ánshilik ónerime kómektespeıtin boldy” degen Ánarýdyń sol kezdegi ókinishin men de, Ánarý da jastyqtan ba, túsinbegen sekildimiz. Sebebi ákesi “Qyzym ánshi bolsa, ómirdiń buralań joldaryna túsip ketýi múmkin. Odansha oqýyn oqysyn, ǵylym, bilim qýsyn” degen jamandyqtan saqtaǵany ári qamqorlyǵy eken.

Iá, ákesi qansha jerden qyzyna qyryq úıden tyıyp, qamqorlyq kórsetse de, Janqosh degen úıirilip soqqan quıyndy daýyl qaterli joldarǵa bastaǵan.

Meniń túsingenim, bul batpaqtan Ánarýdy eń birinshi sýyryp alyp shyǵatyn ákesi. Qurbylary bolyp, biz de Qaldybek Qurmanáli myrzaǵa úmit artyp otyrmyz.

Qurmetti dostar, provakaııalyq vıdeolarǵa senip qalmaı, qazaq qyzynyń ar-namysyn qorǵaýǵa úlesterińizdi qosyńyzdar! Bizdiń búgingi únsizdigimiz – erteń jaqynymyzǵa zııanyn tıgizýi ábden múmkin.

Aqgúl Aıdarbekova