«Anasy qonaq kútip júrgen»: Almaty oblysynda qyzýy kóterilgen bes aılyq sábı kóz jumdy

Jelide patologoanatomııalyq bıýronyń dáriger-patologoanatomy Jansaıa Sovethan Abaı oblysynda bes aılyq qyz bala tumaýdan keıingi bes kúndik aýyrǵannan soń kóz jumǵanyn jazdy, dep habarlaıdy Qandastar.kz

Dárigerdiń aıtýynsha, anasy sábıin úı jaǵdaıynda óz betinshe emdeýmen aınalysqan, bul jaǵdaıdy odan ári qıyndatyp jibergen.

«Morgqa bes aılyq qyz bala tústi. Ol aýrýhanada nebári bes saǵat qana boldy. Buǵan deıin sábı bes kún boıy úıde joǵary temperatýradan qınalyp jatqan», – dep jazdy dáriger Sovethan.

Birinshi kúnderi ýchaskelik dáriger úıge kelip, reept jazyp bergen jáne úıde emdeýdi usynǵan.

«Dáriger balanyń jaǵdaıyn únemi baqylap otyrǵan, anasynyń aıtýynsha, «bári jaqsy, tamasha» bolǵan», – dedi patologoanatom.

Alaıda besinshi kúni sábıiniń jaǵdaıy kúrt nasharlap ketken. Saǵat 16:30-da jedel járdemmen aýrýhanaǵa jetkizilgen bala birden jansaqtaý bólimine tústi. О́kinishke qaraı, saǵat 20:00-de kóz jumdy.

«Sońǵy klınıkalyq jáne meniń patologoanatomııalyq dıagnozym – sepsıs. Gıstologııalyq derekter boıynsha jedel respıratorlyq vırýstyq ınfekııa (JRVI) belgileri bar», – dep naqtylady dáriger.

Jansaıa Sovethannyń aıtýynsha, anasy balaǵa qyzýy kóterilgen kezde únemi ıbýprofen bergen, alaıda úıinde birneshe kún boıy qonaqtar bolǵandyqtan, aýrýhanaǵa aparýǵa ýaqyty bolmaǵan.

Dáriger ata-analarǵa mańyzdy eskertý jasady.

«Burynǵydaı «qonaq keledi, el ne deıdi» dep oılaıtyn ýaqyt ótti. Endi eń áýeli otbasy men bala densaýlyǵyn oılaý kerek. Qoǵam aýyrǵan balany qutqaryp qalmaıdy, ómirden ótkendi de qaıtara almaıdy. «El ne deıdi» degen stereotıpten arylatyn ýaqyt jetti. О́zińizdi aldamańyz – bala densaýlyǵyna jaýapkershilik tek sizdiń moınyńyzda», – dep atap ótti Jansaıa Sovethan.