Jańalyqtar
«Anasy men ógeı ákesi»: Almaty oblysynda úsh jasar qyzdyń ólimine kúdiktiler anyqtaldy
Foto: Almaty oblysy PD
Polıeıler qylmysqa qatysy bar kúdiktiler ustalǵanyn aıtty.
17 naýryzda úsh jasar Aııa-Sofııa Almaty oblysynyń Kúsh aýylynda joǵalyp ketken bolatyn. Qyzdy birneshe aı izdedi, biraq esh nátıje bolmady. Shildeniń sońynda polıeıler joǵalǵan balaǵa tıesili bolýy múmkin súıek qaldyqtaryn tapty. Almaty oblysynyń Polıııa departamenti qyzdy óltirdi degen kúdikpen kim ustalǵanyn málimdedi, dep habarlaıdy qandastar.kz aqparat portaly «Tengrinews.kz«-ke silteme jasap.
Shilde aıynda adam súıekteri tabylǵan kezde polıeıler qylmysqa kúdiktilerdiń ustalǵanyn aıtty, biraq olardyń kimder ekenin habarlamady. Qazir balanyń anasy men onymen birge turatyn adamnyń aýyr qylmys jasady degen kúdikpen qamaýǵa alynǵany belgili boldy.
«Qazirgi ýaqytta qylmystyq is boıynsha istiń mán-jaılaryn anyqtaýǵa baǵyttalǵan barlyq qajetti tergeý áreketteri júrgizilip jatyr. Kúdiktilerge qatysty «qamaýda ustaý» bultartpaý sharasy tańdaldy. Qylmystyq istiń tergeý nátıjeleri boıynsha túpkilikti is júrgizý sheshimi qabyldanady», – delingen PD jaýabynda.
Eske salaıyq, 17 naýryzda Aııa-Sofııa Almaty oblysynyń Kúsh aýylynda joǵalyp ketken edi. Polıııaǵa júgingen anasynyń aıtýynsha, qyz úıden shyǵyp ketken, sodan beri ony eshkim kórmegen.
