«Anasy ótindi»: Qarashókeev Eldos Smetovtiń kóshesine asfalt salyný sebebin túsindirdi

Foto: abai.kz

Jambyl oblysynyń ákimi Erbol Qarashókeev Olımpıada chempıony Eldos Smetovtyń úıiniń aldyndaǵy asfalttyń nelikten jáne qalaı salynǵanyn túsindirdi, dep habarlaıdy Skifnews.kz aqparat portaly.

Qarashókeev sportshynyń aýylyna asfalt tóseý boıynsha memlekettik satyp alý proesi belgili bir sebeptermen keshiktirilip jatqanyn alǵa tartty. Degenmen Smetovtyń úıiniń aldyndaǵy jol demeýshiler esebinen jasalǵan eken.

«Jol salý ońaı proess emes. Bıyl qarjylyq salymdar boldy. Meniń oıymsha, demeýshiniń qarajaty esebinen jol jasaýda turǵan eshteńe joq. Sonymen qatar, memlekettik satyp alý proesiniń ózi obektıvti sebeptermen keshiktirilgendikten, aıypty eshteńeni kórip turǵan joqpyn. Aýylǵa jol qurylysyn salý qarastyrylǵan. Biraq memlekettik satyp alý proesi keshiktirilip jatyr. Sportshynyń ata-anasy «Qazaqstannyń eńbek sińirgen qaıratkeri» ataǵyn alǵanyn bilesizder. Anasy jol jasaýdy ótindi. Biz memlekettik satyp alý rásimi júrip jatqanyn túsindirdik, biraz kútý kerek ekenin aıttyq. Degenmen kásipkerlerimiz kelip, demeýshilik qarajat esebinen chempıonnyń aımaǵyna jol saldy. Meniń oıymsha, munda turǵan eshteńe joq», – dedi ákim.

Esterińizge sala keteıik, buǵan deıin Eldos Smetovtiń aýylynda asfalt tóseıtin merdigerler sottasyp jatqanyn jazǵan edik.