Anasyn izdegen Jánibek qazaqstandyqtardan kómek surady

Savelev anasyn kezdestirýge áli de úmitti ekenin aıtty.

Belgııalyq qazaq Jánibek Savelev týǵan sheshesin izdegeli de biraz ýaqyt boldy. О́kinishke qaraı anasy anasy áli tabylmady. Jánibek barsha qazaqstandyqtardan kómek surap, jan tebirenterlik vıdeo jarııalady, dep habarlaıdy inbusiness.kz saıtynyń tilshisi.

Jánibek Savelev aldymen óziniń týǵan anasyn izdeýge at salysqandarǵa alǵysyn aıtty.

«Qurmetti ákeler, analar, aǵa-ápkeler! Men 2023 jyldyń sońynda Qazaqstanǵa týǵan anamdy izdep bardym. Sońǵy aılarda biz anamdy tabýǵa kómektesetin kóptegen málimetke qol jetkizdik. Mysaly, «Barmysyń, baýyrym?» redakııasy DNQ zertteýleri arqyly men týǵan kezde basqa balamen aýysyp ketýim múmkin ekenin anyqtady», – dep jazdy ol.

Savelev anasyn kezdestirýge áli de úmitti ekenin aıtty.

«Meniń týǵan sheshem meniń onyń týǵan uly ekenimdi bilmeıtin shyǵar, meniń oqıǵamdy estimeı júrgen shyǵar… múmkin onyń 2002 jyldyń qańtarynda dúnıege kelgen balasy men shyǵarmyn. Ol qazir meniń ornyma aýysyp ketken balany týǵan ulym dep oılap júrýi de múmkin  ǵoı», – deıdi Savelev.

Ol ógeı anasy dertke shaldyqqanyn aıtty.

«Anashym, sen maǵan kereksiń. Meni asyrap alǵan anam qatty aýyryp jatyr. Es bilgeli siz týraly oılamaǵan sátim joq. Qurmetti qazaqstandyq ákeler, analar, baýyrlar! О́tinemin, osy vıdeony barynsha taratyńyzdarshy.  О́tinishim týǵan anama nemese týystaryma jetedi dep úmittenemin», – dep jazdy ol.