جاڭالىقتار
«اناسىن كىرپىشپەن ۇرىپ تالدىرىپ, قىزىن زورلاعان»
فوتو: اشىق دەرەككوز
تۇركىستان وبلىسى كەلەس اۋدانىندا ەر ادام ايەل مەن ونىڭ قىزىن اسقان قاتىگەزدىكپەن ولتىرگەن. كۇدىكتى ولاردىڭ ۇيىنە باسا كوكتەپ كىرىپ, ايەلدى كىرپىشپەن ۇرعان. قىزدى باسقا بولمەگە سۇيرەپ اپارىپ, زورلاپ, بەتىن, قۇلاعى مەن كوكىرەگىن تىستەپ تاستاعان, دەپ حابارلايدى qandastar.kz
كۋاگەرلەردىڭ سوزىنشە, قىلمىستى 16 جاستاعى وقۋشى قىزعا قىرىنداعان مۇعالىم جاساعان. اناسى مۇعالىمنىڭ ۇستىنەن شاعىمدانىپ, جۇمىستان بوساتىپ جىبەرگەن ەكەن. دەگەنمەن, تۇركىستان وبلىسىنىڭ ءبىلىم باسقارماسى كۇدىكتىنىڭ ءبىلىم سالاسىندا جۇمىس ىستەمەيتىنىن ايتتى.
ال پوليتسيانىڭ مالىمەتىنشە, اتالعان ىسكە قاتىستى قىلمىستىق ءىس قوزعالدى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى. وقيعانىڭ بارلىق ءمان-جايىن انىقتاۋ ماقساتىندا جەدەل-ىزدەستىرۋ شارالارى جۇرگىزىلىپ جاتىر.
