Anasyna tosynsyı jasamaq boldy: Ulytaý oblysyndaǵy tas jolda eki jigit ajal qushty

Foto: Vıdeodan skrın

Ulytaý oblysyndaǵy tas jolda jol apaty bolyp, saldarynan eki adam kóz jumdy. Bul týraly Stan.kz aqparat agenttigi habarlaıdy.

Áleýmettik jelide jol apatynyń saldary kórsetilgen vıdeo tarady. Oqıǵa kýágerleriniń aıtýynsha, eki jigit Ekibastuzdan Qyzylordaǵa jol tartqan. Júrgizýshi qalyń qardan rólge ıe bola almaı, avtokólik joldyń shetindegi jyraǵa túsip ketken.

Jigitter jańa jyldy Qyzylordada qarsy almaq bolǵan. Qaıtys bolǵan adamnyń jaqyny bir jigittiń Qyzylordadaǵy anasyna tosyn syı jasamaq bolyp, jolǵa shyqqanyn aıtady.