جاڭالىقتار
«اناسىنداي ايەلدەرگە جازادى»: تانىمال تەلەجۇرگىزۋشى جاس جىگىتتەردىڭ ارەكەتىنە شامداندى
وتاندىق تەلەجۇرگىزۋشى ايكەرىم ەسەنالى ماحابباتتاعى جاس ايىرماشىلىققا قاتىستى ويىن ايتتى. ول Instagram جەلىسىندەگى پاراقشاسىندا اناسىنداي ايەلدەرگە جازاتىن جاس جىگىتتەرگە ۇندەۋ جاسادى,-دەپ حابارلايدى Qandastar.kz
جۋرناليست وزىنە «رايم مەن ەركەنىڭ جولىن كورمەدىك پە?» دەپ جازعان وقىرمانىنا جاۋاپ بەردى.
«وسى تەندەنتسيادان شوشيمىن. جاسى 20-دان اسقان بوزبالالاردىڭ اناسى, اپكەسىندەي ايەلدەرگە جازىپ, ۇسىنىس ايتۋى كوبەيدى. اۋىردىڭ ءۇستى, جەڭىلدىڭ استىمەن جۇرۋگە قىزىعۋ قالىپتى بولىپ بارادى. وتباسىن قۇرۋ ءۇشىن سوڭىنان جۇرمەيتىنى انىق. ونداي جىگىتتەردەن جاۋاپكەرشىلىك, ەر ازاماتقا ءتان مىنەز كورە الامىز با?» – دەدى ايكەرىم ەسەنالى. تەلەجۇرگىزۋشى ءوزى اجىراسقانىمەن, وتباسى ينستيتۋتىنىڭ قادىر-قاسيەتىن جوعارى سانايتىنىن ايتتى. ول ءوز سوزىندە وتباسى بەرىكتىگىنىڭ ماڭىزى زور ەكەنىنە دە باسا نازار اۋداردى.
