«ءاندى سايقىمازاق ەتتى»: ۇلىقپان جولداسوۆ ءانشى Sadraddin-گە شۇيلىكتى

فوتو: ۆيدەودان سكرينشوت
ەلىمىزگە بەلگىلى ونەر يەسى ۇلىقپان جولداسوۆ ءانشى سادرادديندى قاتاڭ سىنعا الدى, دەپ حابارلايدى Qandastar.kz اقپارات پورتالى.

ول قازىرگى جاس انشىلەرگە كوڭىلى تولمايتىنىن ايتتى.

«جۇيكە شىدامايدى. تىڭداپ وتىرعان قۇلاققابىمدى لاقتىرىپ جىبەرەمىن. «تاڭەرتەڭ ماس كۇيدە, وتىردىم تاكسيگە, انام مەنى كۇتەدى اس ۇيدە» دەيدى. نە اڭگىمە بۇل? ءتىپتى, بىرەۋلەر بوقتاپ جاتىر. سولاي اتىمدى شىعارامىن دەپ ويلايدى. ءاندى دە, باسقانى دا سايقىمازاق ەتتى. تىڭدايتىن ءان قالعان جوق» — دەدى كومپوزيتور.

ول وسى سىنىمەن ءانشىنىڭ ناقتى اتىن اتاماسا دا ولەڭ جولدارىنا قاراپ سادراددين بولاتتىڭ «تاكسي» ءانى ەكەنىن بايقاۋعا بولادى.

«كەيبىر اندەر بار. وتە جاقسى, كۇشتى. بىراق جاقتارىن شايناپ ايتادى», — دەيدى كومپوزيتور.