«انيمە كىنالى»: الماتىدا شاتىردان سەكىرىپ كوز جۇمعان وقۋشىلاردىڭ جاقىندارى ءولىمنىڭ سەبەبىن اتادى

فوتو: اشىق دەرەككوز

الماتىدا ەكى ءجاسوسپىرىم كوپقاباتتى ءۇيدىڭ شاتىرىنان قۇلاپ كوز جۇمعان ەدى. وقۋشىلاردىڭ سۋيتسيد جاساۋ سەبەبى انيمە كىتاپ, ينتەرنەت ويىندارى بولۋى مۇمكىن. بۇل تۋرالى مارقۇمنىڭ تۋىستارى باياندادى, – دەپ حابارلايدى qandastar.kz  Stan.kz-كە سىلتەمە جاساپ.

قارالى جيىنعا مارقۇمنىڭ جاقىندارى مەن تۋعان-تۋىستارى, مەكتەپ مۇعالىمدەرى جينالدى. كىشكەنتاي قىزدارىنان قاپىدا ايىرىلعان وتباسى ءجاسوسپىرىمدى قيماستىقپەن شىعارىپ سالدى. وقۋشىنىڭ تۋىسقان اعاسى قارىنداسىنىڭ وزىنە قول سالعانىنا سەنە المايدى.

ء“وز ومىرىنە جاۋاپكەرشىلىك الا المايتىن جاستا, بالامىز دۇنيەدەن وزدى. قىزىمىزدىڭ دۇنيەدەن وزۋى ءوز ەركىمەن ەمەس, بالانىڭ پسيحيكاسىنا اسەر ەتەتىن ينتەرنەت-تەحنولوگيانىڭ سالدارىنان بولدى. سوندىقتان بۇنداي جاعداي بالاعا جاسالعان قاستاندىق دەپ ەسەپتەيمىز. ءبىزدىڭ عانا ەمەس, بارشا قازاقستاندىقتاندىڭ باسىندا بولۋى مۇمكىن. بۇل – بالاعا جاسالعان قىلمىس. بۇل ز ۇلىمدىققا نۇكتە قويىلۋى كەرەك. قوعام بولىپ اتسالىسۋىمىز كەرەك. بالانىڭ پسيحيكاسىن بۇزاتىن دۇنيەنى جاساعان جاندار جازاسىن الۋى كەرەك”, – دەيدى ول.

توعىزىنشى قاباتتا تۇراتىن تۇرعىننىڭ سوزىنە سەنسەك, قايتىس بولعان قىزدىڭ بىرىنە تانىسى قوسىمشا ساباقتان بەرگەن. ونىڭ ايتۋىنشا وقۋشى وتە كوڭىلدى, مەيىرىمدى, ءارتۇرلى جانرداعى كىتاپتى سۇيىپ وقىپتى.

“ەكى قىزدىڭ ءبىرى – مەنىڭ وقۋشىم. كوڭىلدى, مەيىرىمدى, ازىلقوي قىز بولدى. بالەرينا. ءۇش كۇننەن بەرى جىلاپ جاتىرمىن. اناسىمەن جاقىن بولعان. ۇنەمى سىرلاسادى. اتا-اناسى قىزعا وتە جاقسى كوڭىل بولەدى. انيمە كىتاپتارىن سۇيىپ وقىدى. اراسىندا قانداي كىتاپ وقىپ جاتقانىن ايتاتىن. ونىڭ كىتاپتارىنا ءمان بەرمەگەنىم وكىنىشتى. الدىن الاتىن ەدىم”, – دەپتى تانىسى اننا (اتى وزگەرتىلگەن).

تۇرعىننىڭ سوزىنە سەنسەك, وسى وقيعادان سوڭ, اتا-انالار اراسىندا مىنا وقۋلىقتى بالاڭىز وقىماسىن, “قاداعالاڭىز” دەگەن حابارلامالار تاراپ كەتىپتى. ونىمەن قوسا, قىزدار ولىمدى رومانتيكا ەتەتىن كىتاپتار مەن telegram كانالدارعا تىركەلگەنى ايتىلعان.

ون سەگىز جاستان باستاپ وقۋعا رۇقسات ەتىلگەن كىتاپتىڭ جاسوسپىرىمگە قانداي زيانى بارىن پسيحولوگتان سۇراپ كوردىك.

“كىتاپتا قيىندىقتا, قىستاۋدا ءوزىنىڭ نازىك قالپىن ساقتاپ قالۋ كەرەك دەگەن مەتوفورا ايتىلعان. جۇرتتىڭ ءبارىنىڭ ايتىپ جاتقان جامان كەيىپكەرى قايتا-قايتا ءولىپ, ءتىرىلىپ, ءومىردىڭ ءمانىن ىزدەيدى. كىتاپتاعى كەيىپكەر دەپرەسسيادا ءومىر سۇرگەن. تۋرا سول سەكىلدى ءومىر ءسۇرىپ جاتقان ادامعا كىتاپ بەلگى بولادى. مىنا كىتاپتى ەرەسەك ادام وقىسا, ميف ەكەنىن ءتۇسىنۋى مۇمكىن. ال ءجاسوسپىرىم بالا وقىسا, باسقاشا اسەر ەتۋى ىقتيمال”, – دەيدى پسيحولوگ.

ساباق ۋاقىتىندا شاكىرتتەرىنىڭ سىرتتا ءجۇرۋ سەبەبىن سۇراماق بولىپ №25 مەكتەپ گيمنازياسىنا باردىق. مەكتەپ باسشىلىعى اقپارات بەرۋدەن باس تارتتى.