جاڭالىقتار
انكارادا زەلەنسكي مەن ەردوعاننىڭ كەزدەسۋى بولادى
ۋكراينا پرەزيدەنتىنىڭ ءباسپاسوز حاتشىسى سەرگەي نيكيفوروۆ انكارادا زەلەنسكي مەن ەردوعاننىڭ كەزدەسۋى بولاتىنىن مالىمدەدى. بۇل تۋرالى Qandastar.kz سايتى حابارلايدى.
ۋكراينالىق باقتىڭ مالىمەتىنشە, زەلەنسكي مەن ەردوعاننىڭ كەزدەسۋى باستالعان.
بۇعان دەيىن بي-بي-سي دەرەككوزى ماسكەۋ مەن كيەۆ دەلەگاتسيالارىنىڭ كەزدەسۋى ناقتى ۋاقىتقا جوسپارلانباعانىن حابارلاعان بولاتىن.
ستامبۋلداعى كەلىسسوزدەردەگى رەسەي دەلەگاتسياسىنىڭ باسشىسى, رەسەي پرەزيدەنتىنىڭ كومەكشىسى ۆلاديمير مەدينسكي ءوزىنىڭ جەدەلحات ارناسىندا ىستامبۇلعا كەلگەنىن جانە بايىپتى جۇمىس ىستەۋگە دايىن ەكەنىن جازدى. كرەمل وكىلى رەسەي تاراپى ۋكراينا دەلەگاتسياسىن كۇتەتىنىن ايتتى.
«ءبىز ۋكراينالىق كەلىسسوز جۇرگىزۋشىلەر كەلە مە, جوق پا جانە كەلىسسوزدەردىڭ قالاي وتەتىنىن بىلمەيمىز. رەسەي دەلەگاتسياسى ىستامبۇلدا دايىن جانە كۇتۋدە», — دەدى دميتري پەسكوۆ بريفينگتە.
