Ánshi Baǵlan Ábdiraıymov «Jigitter» tobynan ketti

Foto: ashyq derekkóz

«Jigitter» tobynyń múshesi Baǵlan Ábdiraıymov shyǵarmashylyq baǵyttaǵy betburysy jaıly baıandady. Ol «Jigitter» tobynyń quramynan shyǵatynyn jetkizdi, dep habarlaıdy qandastar.kz Alash.kz portaly na silteme jasap.

Ánshi toptan shyǵyp, jeke shyǵarmashylyǵyn damytý týraly sheshim qabyldaǵan.

Men bir sheshimge keldim. Haıyrlysy sol boldy. Bóliný emes, shyńdalý dep oılaý kerek. Jeke bir shaýyp kórý kerek bolyp tur. 22 jyl ajyramaı júr ekenbiz, – dep jazdy ánshi.

Bul jańalyq jeli qoldanýshylary arasynda túrli pikir týdyrdy.

«Bólinbeı-aq, jeke án aıtyp júrýge bolmaı ma?», «Múmkin, ónerden ketetin shyǵar», «Jigittermen sózge kelip qalǵan sııaqty», «Erkinmen birge bolǵan kezder kúshti edi», «Toptyń sáni ketedi, kóz úırenip qalǵan edi» dep jazyp jatyr.