ءانشى ەمەس, القاش دەيسىزدەر – ماقپال ءجۇنىسوۆا تاعى ءبىر شۋلى ۆيدەو جاريالادى

فوتو: ۆيدەودان سكرين

قازاق ەستراداسىنىڭ ءانشىسى ماقپال ءجۇنىسوۆا Instagram پاراقشاسىنا ۆيدەو جاريالاپ, حالىقتىڭ 10 پايىزى ءوزىن «ءانشى ەمەس, القاش» دەپ اتايتىنىن ايتاتىنىنا رەنجىدى, دەپ حابارلايدى Azattyq Rýhy.

ول اندا-ساندا «ءومىر ەرەجەسىن» بۇزىپ تۇرعان دا دۇرىس دەيدى.

«جالپى مەن ومىرگە ريزامىن, ءاربىر كۇنىم ءۇشىن اللاعا شۇكىر دەيمىن. ەشكىمگە رەنىشىم جوق. «ءومىر دەگەن قىزىق قوي, قىزىق جەرىن سىزىپ قوي, اندا ساندا ساندا بۇزىپ قوي» دەگەن سياقتى بۇزاتىن كەزدەرىم بولادى. سىزدەر, 90 پايىزىڭىز مەنى كەشىرەسىزدەر, 10 پايىزىڭىز «وڭباعان, ءانشى ەمەس القاشسىڭ» دەيسىزدەر», – دەيدى ءانشى.

ول اۋىرىپ تۇرىپ ۆيدەو جاريالاسا دا «ءىشىپ العان» دەپ كىنا تاعاتىندارعا رەنىشىن ءبىلدىردى.

«…مەن قىرىلداپ تۇرسام ءىشىپ الدى دەيسىزدەر, اۋىرىپ, داۋىسىم بۇزىلىپ كەتسە, تاعى دا ءىشىپ الدى دەيسىزدەر. وزدەرىڭىز بىلىڭىزدەر, بىراق مەن ساۋمىن. تاماعىم مەن شايىمدى ءىشىپ, ءۇيىمدى جوندەپ جۇرگەن ايەلمىن. ايەل ەمەس, قاتىنمىن. ال, ءتۇسىنىپ الىڭدار», -دەيدى ول.

60 جاستاعى قازاقستاننىڭ حالىق ءارتىسى ازداعان ۋاقىتتان كەيىن وقىرمانداردىڭ وتىنىشىنە بايلانىستى ۆيدەوسىن ءوشىرىپ تاستاعانىن ايتتى.