Ánshi uzatqan qyzdy úıine deıin aparatynyn aıtty

Foto: jeke qorynan

Belgili ánshi Aıdar Turǵambek «1001 tún» telebaǵdarlamasyna suhbat berip, qyz uzatý jaıly pikirin aıtty, dep jazady qandastarkz

«Uzatý toı degen, qyzdy alyp shyǵyp, uzatý degendi qatelespesem, 2010 jyly alǵash ret Astanada Jazıra ápkemiz bastady. Onyń senarııin Jan-Muqan degen kisi qoıyp berdi. Bul sodan keıin dástúr sekildi bolyp ketti. Buryn Shymkentte tek qyzdy uzatýǵa aıtylatyn ánder bolatyn. Men sol dástúrdi alyp, «Qaryndasqa» degen án jazdym. Ándi meniń aıtqanym toıdaǵy halyqqa óte oǵash kórindi, olar burynǵyǵa úırenip qalǵan. Keıinirek «bul erkek adam, nege qyzdy uzatady?» degen áńgime shyqty. Biraq bul bizde jańalyq emes, baıaǵydan kele jatqan dúnıe. Sóıtip qoǵam kishkene úırengen sekildi. Oǵan qosa, keıde ázildep «men uzatqan qyzdar qaıtyp kelmeıdi» dep aıtamyn. Tastaı batyp, sýdaı sińip ketedi, báriniń 4-5 bala-shaǵasy bar, sondaı-aq men uzatqanda ony úıine deıin aparyp tastaımyn», — dedi ol.