انشىلەردىڭ 90%-ى الاياقتىقپەن اينالىسىپ, قانشاما ادامدى قارىزعا باتىردى – احمەتبەك نۇرسيلا

الەۋمەتتىك جەلىدە ءبىر ايەلدىڭ قىز-كەلىنشەكتەرگە قاراتا ينۆەستيتسيا سالۋ تۋرالى ۆيدەوسى تارادى. الگى ۆيدەونى كورگەن قوعام بەلسەندىسى, بيزنەس-ترەنەر احمەتبەك نۇرسيلا ونى «الاياققا» تەڭەدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ.

جەلىدە تاراعان ۆيدەوداعى ايەل ايەلدەردى ءبىر جوباعا 3 ملن تەڭگە اقشا سالۋعا شاقىرعان.

«انشىلەردىڭ 90% وسىنداي الاياقتىقپەن اينالىسىپ, قانشاما ادامدى قارىزعا باتىردى, سولاردىڭ ىشىندە وزىنە قول جۇمساعاندار دا بار! ال بۇلار اقشانى قاعىپ الىپ, اندەرىن ايتىپ, شالقىپ جۇرە بەرەدى! سوتتالعان بىردە بىرەۋى جوق!

ءانشى ول جاي عانا تاماعىنىڭ رەزوناتورى ەرەكشە ادام, باسقا ادامي قاسيەتى مىڭىنىڭ بىرەۋىندە عانا!», – دەپ جازدى ۆيدەونى ءوز پاراقشاسىندا بولىسكەن احمەتبەك نۇرسيلا.

ءبىر قىزىعى, بيزنەس-ترەنەر بوپ جۇرگەن كىسى ناقتى قاي ءانشى ەكەنىن ايتىپ, الاياقتىقپەن اينالىسقان ءانشىنىڭ اتى-ءجونىن جازعان جوق.