Ánshilerdiń 90%-y alaıaqtyqpen aınalysyp, qanshama adamdy qaryzǵa batyrdy – Ahmetbek Nursıla

Áleýmettik jelide bir áıeldiń qyz-kelinshekterge qarata ınvestıııa salý týraly vıdeosy tarady. Álgi vıdeony kórgen qoǵam belsendisi, bıznes-trener Ahmetbek Nursıla ony «alaıaqqa» teńedi, dep habarlaıdy qandastar.kz Skifnews.kz aqparat portalyna silteme jasap.

Jelide taraǵan vıdeodaǵy áıel áıelderdi bir jobaǵa 3 mln teńge aqsha salýǵa shaqyrǵan.

«Ánshilerdiń 90% osyndaı alaıaqtyqpen aınalysyp, qanshama adamdy qaryzǵa batyrdy, solardyń ishinde ózine qol jumsaǵandar da bar! Al bular aqshany qaǵyp alyp, ánderin aıtyp, shalqyp júre beredi! Sottalǵan birde bireýi joq!

Ánshi ol jaı ǵana tamaǵynyń rezonatory erekshe adam, basqa adamı qasıeti myńynyń bireýinde ǵana!», – dep jazdy vıdeony óz paraqshasynda bólisken Ahmetbek Nursıla.

Bir qyzyǵy, bıznes-trener bop júrgen kisi naqty qaı ánshi ekenin aıtyp, alaıaqtyqpen aınalysqan ánshiniń aty-jónin jazǵan joq.