Antıkor Almatyda 2 mlrd teńgege baǵalanǵan záýlim úıdiń ıesin tekseretin boldy

Foto: istockphoto.com

Ol Sybaılas jemqorlyqqa qarsy qyzmet bastyǵynyń burynǵy orynbasary degen sóz bar.

Sybaılas jemqorlyqqa qarsy qyzmet Almatynyń taý bókterindegi burynǵy sheneýnikke tıesili bolýy múmkin záýlim úıdi satý týraly aqparatty zerttemek, dep habarlaıdy  qandastar.kz  Halyq Uni-ne silteme jasap.

Buǵan deıin áleýmettik jelilerde Sybaılas jemqorlyqqa qarsy qyzmet bastyǵynyń eks-orynbasary zaıybynyń Almatyda otbasylyq záýlim úıdi satylymǵa shyǵarǵany týraly aqparat paıda boldy. Onyń quny 2 mıllıard teńgege baǵalanǵan.

Májilis kýlýarynda jýrnalıster Antıkor tóraǵasynyń birinshi orynbasary Ulan Sarqulovtan bul úı shynymen de burynǵy áriptesiniń otbasyna tıesili me degen suraq qoıdy.

Biz de osy jazbany kórdik. Bizde tıisti bólim bar, bul máselemen aınalysady. Ekinshiden, men birden atap ótkim keledi, munda biz de túsinýimiz kerek, eger bul deklaratıvti, ıaǵnı tıisti túrde tirkelgen bolsa, zańnamalyq máseleler bar. Bireý bıznespen aınalysqan, ne basqa bolsa, biz de jekemenshik quqyǵyn qurmetteýimiz kerek. Bul másele zertteletin bolady, – dep jaýap berdi Ulan Sarqulov.

Sondaı-aq ol Antıkordyń qymbat múlki bar qyzmetkerdiń qandaı laýazymda bolǵanyna qaramastan bul iske quqyqtyq baǵa beretinin atap ótti.