جاڭالىقتار
انتيكور اۆتوجول سالاسىنداعى كەمشىلىكتەردى انىقتادى
فوتو: اشىق دەرەككوز
سىبايلاس جەمقورلىققا قارسى قىزمەت جانە ونىڭ اۋماقتىق دەپارتامەنتتەرى جەمقورلىق تاۋەكەلدەرىن جويۋ جانە اۆتوجول سالاسىنداعى زاڭدىلىقتى قامتاماسىز ەتۋ بويىنشا جۇيەلى نەگىزدە جۇمىس جۇرگىزۋدە, دەپ جازدى qandastar.kz
ماسەلەن, اقتوبە وبلىسىندا اۆتوموبيل جولدارىن سالۋ جانە جوندەۋ مونيتورينگى بارىسىندا جول جوبالارىن جوسپارلاۋ كەزىندە ەلەۋلى كەمشىلىكتەر انىقتالدى. مىسالى, اعىمداعى جىلى بيۋدجەتتەن شامامەن 600 ملن تەڭگە بولىنگەن «مارتوك – دميتريەۆكا – بايتورىساي – پولتاۆكا» جولىنا ورتاشا جوندەۋ جۇمىستارى جۇرگىزىلدى. بۇل رەتتە قۇرىلىس-مونتاج جۇمىستارى اياقتالعانعا دەيىن 4 شاقىرىم جول جارامسىز بولىپ قالدى. جوبادا اينالما جول قاراستىرىلماعانى انىقتالدى.
ناتيجەسىندە مەردىگەر ينەرتتى ماتەريالدى جاڭا جول جامىلعىسى ارقىلى تاسىمالداعان. سونىمەن قاتار, كەلىسىمشارت جاساسۋ كەزىندە مەردىگەر ءۇشىن 2 جىلدىق كەپىلدىك مىندەتتەمەلەردىڭ ورنىنا ءبىر جىل عانا بەلگىلەنگەن. تالداۋ قورىتىندىسى بويىنشا اقتوبە وبلىسىنىڭ اكىمدىگى ورتاشا جوندەۋدىڭ كەپىلدىك مەرزىمىن قايتا قارادى, جول جابىنىن قالپىنا كەلتىرۋ ماسەلەسى بويىنشا مەردىگەرگە قاتىستى تالاپ ارىز بەرىلدى.
