Antıkor azamattarǵa arnalǵan WhatsApp chat-botyn iske qosty

Foto: ashyq derekkóz

Sybaılas jemqorlyqqa qarsy mádenıetti jáne jemqorlyq kórinisterine nóldik tózimdilikti qalyptastyrý, sondaı-aq azamattyq belsendilikti arttyrý maqsatynda Sybaılas jemqorlyqqa qarsy qyzmet jemqorlyq faktileri týraly jedel habarlaý úshin jańa quraldy engizedi, dep habarlady  qandastar.kz

Endi árbir azamat jemqorlyq faktileri týraly habarlaı alady nemese WhatsApp messendjeri arqyly sybaılas jemqorlyqqa qarsy is-qımyl máseleleri boıynsha keńes ala alady.

Ol úshin 8 777 000 1424 nómirine habarlama jiberý jetkilikti.

Antıkor 1424 WhatsApp-chat-bot arqyly ne isteýge bolady?

Sybaılas jemqorlyq faktileri týraly habarlaý
Sybaılas jemqorlyqqa qarsy is-qımyl máseleleri boıynsha keńes alý

Sybaılas jemqorlyq quqyq buzýshylyqtar týraly shynaıy aqparat bergeni úshin 15,7 mln teńgege deıin syıaqy kózdelgen.

О́tinish qupııalylyǵy saqtalady. Barlyq habarlamalar mindetti túrde qaralady jáne quqyq buzýshylyqtar anyqtalǵan jaǵdaıda qoldanystaǵy zańnamaǵa sáıkes sharalar qabyldanady.

Antıkor 1424 WhatsApp-chat-bot: 8 777 000 1424