Antıkor basshysy: Sheneýnikterdiń ashkózdigi eldiń damýyna kedergi

Foto: ashyq derekkóz

Sheneýnikterdiń ashkózdigi eldiń damýyn tejeıtin basty kederginiń biri. Bul týraly «Úáde» baǵdarlamasynyń efırinde Antıkor tóraǵasy Ashat Jumaǵalı málimdedi, dep jazdy qandastar.kz

Onyń aıtýynsha, jemqorlyq Qazaqstanda áleýmettik qubylysqa aınalyp ketken. 

Memleket osy baǵytta zańnamalyq negizdi kúsheıtý úshin tıisti qadamdar jasaýda. Qabyldanǵan Antıkorrýpııalyq saıasat tujyrymdamasyna barlyq memorgan jumyldyrylǵan. 

«Ulttyq bank jáne Qarjy mınıstrligimen birlese otyryp, bıýdjet qarajatynyń urlanýyn boldyrmaý baǵytynda jańa tásilder engizilýde. ıfrlandyrýǵa negizdelgen quraldar arqyly bıýdjet qarjysynyń qozǵalysyn baqylaıtyn júıe qurylyp otyr», – deıdi ol.

Áshkere telegram arnasy jazǵandaı, shatań jazalaý sharalary da nazardan tys qalmaǵan. 

Erekshe iri kólemde para alǵan adam 15 jylǵa deıin bas bostandyǵynan aıyrylýy múmkin. Buǵan qosa, jemqor sheneýnik shartty túrde merziminen buryn bosap shyǵa almaıdy. Ondaı adamnyń memlekettik qyzmetke jáne kvazımemlekettik sektorǵa qaıta oralýyna zań júzinde tyıym salynǵan. 

Jumaǵalıdyń aıtýynsha, halyqtyń ótinishi men álemjelidegi sıgnaldar mańyzdy aqparat kózderine aınalǵan. Budan bólek, agenttik qazirgi kezde bıýdjet qarjysyn naqty qadaǵalaý maqsatynda «ıfrlyq teńge» jobasyn qolǵa alypty. Munyń ereksheligi nede? 

«Munda árbir teńgeniń qandaı taýarǵa nemese qyzmetke jumsalǵany baqylanady. Buryn bólingen qarajatty jalǵan fırmalar arqyly qolma-qol shyǵaryp alý amaldary qoldanylsa, endi ıfrlyq tańbalaý mehanızminiń arqasynda qarjynyń búkil qozǵalysy tirkelip otyrady», – deıdi ol.

Agenttik bul tásildi byltyr «Dostyq – Moıynty» temirjol qurylysynda synaqtan ótkizgen eken, sóıtip 160 mlrd teńge baqylaýǵa alynǵan. 

Atyraý oblysyndaǵy jol salý jobasy da dál osyndaı shemaǵa qosylyp, merdigerler barlyq shyǵynyn ashyq kórsetýge kelisim bergen.

Jumaǵalı agenttik qyzmetiniń túpki maqsaty – azamattardyń ál-aýqaty men ómir sapasyn jaqsartý ekenin eske salyp otyr. Aıtýynsha, túrli reıtıngterde Qazaqstandy jaqsy qyrynan kórsetý jetkiliksiz, qarapaıym turǵyndardyń jemqorsyz ortada ómir súrýine jaǵdaı jasaý mańyzdy. 

Saakashvılı? Ashat Jumaǵalı osy rette Grýzııanyń tájirıbesin úlgi retinde usynýda. 

«Grýzınder kezinde memqurylymdar men quqyq qorǵaý organdarynda aýqymdy reforma (tazalaý) júrgizdi. Biz de osyndaı isterdi qolǵa alyp jatyrmyz, keı tustarda odan da aýqymdy qadamdarǵa baryp otyrmyz. Kez kelgen iste ádilettiń saltanat qurýy, jazalaýdyń zańmen bekitilgen sheginen aspaýy agenttiktiń ózgermes prınıpi bolmaq», – deıdi ol