جاڭالىقتار
انتيكور ەكس شەنەۋنىككە ىزدەۋ جاريالادى
فوتو: اشىق دەرەككوز
«انتيكور» باق وكىلدەرىنەن كەلىپ تۇسكەن سۇراقتارعا جاۋاپ بەردى.
سوت شەشىمىمەن اقتاۋ قالاسى اكىمىنىڭ بۇرىنعى ورىنباسارى سادۆاقاسوۆ تيمۋر حابدۋللا ۇلىنا ىزدەۋ جاريالاندى, دەپ حابارلادى qandastar.kz
ول اسا ءىرى كولەمدە قىلمىستىق ءىس قوزعاۋ ماسەلەسىن وڭ شەشۋ ءۇشىن مەملەكەتتىك قىزمەتشىلەرگە پارا بەرۋگە ۇگىتتەگەدى جانە الاياقتىق جاسادى دەگەن كۇدىككە ىلىنگەن. «اتاپ ايتقاندا, “تيولاين” جشس-ءىن باسقارعان كەزەڭدە ۆ.ي. دولگالەۆ پەن باسقا دا قۇرىلتايشىلار اراسىندا “وبۋحوۆسكوە” كەن ورنىنا قاتىسۋ ۇلەسى مەن ونىڭ تابىسىن بولۋگە بايلانىستى كەلىسپەۋشىلىكتەر تۋىنداعان, ولار سوت ارقىلى شەشىلگەن. ءوز كەزەگىندە ۆ.ي. دولگالەۆ ت.ح. سادۆاقاسوۆ ارقىلى قۇقىق قورعاۋ ورگاندارىنىڭ لاۋازىمدى تۇلعالارىن بەلگىلى ءبىر كومپانيا قۇرىلتايشىلارىنا قارسى قىلمىستىق ءىس قوزعاۋ ءۇشىن پارا بەرىپ ساتىپ الۋعا تىرىستى. بۇل ولاردىڭ زاڭدى تالاپتارىنان باس تارتۋىنا جانە ولارعا قىسىم كورسەتۋگە باعىتتالعان ارەكەت بولدى. ايتا كەتەيىك, سولتۇستىك قازاقستان وبلىسى بويىنشا قما دەپارتامەنتى “تيولاين” جشس-ءنىڭ “وبۋحوۆسكوە” كەن ورنىندا ءوز بەتىنشە پايدالى قازبالار ءوندىرۋ دەرەگى بويىنشا تەرگەۋدى اياقتادى», – دەلىنگەن حابارلامادا.
قازىرگى ۋاقىتتا ءىس سوتتا قارالۋدا.
وسىعان بايلانىستى ت.ح. سادۆاقاسوۆ باستاپقىدا شىعارىلعان اقتاۋ ۇكىمىنىڭ كۇشى جويىلعاننان كەيىن سوتتان جاسىرىنعان.
ت.ح. سادۆاقاسوۆقا قاتىستى قاماۋعا الۋ تۇرىندەگى بۇلتارتپاۋ شاراسى تاڭدالدى.
