Antıkor eks sheneýnikke izdeý jarııalady

Foto: ashyq derekkóz

«Antıkor» BAQ ókilderinen kelip túsken suraqtarǵa jaýap berdi.

Sot sheshimimen Aqtaý qalasy ákiminiń burynǵy orynbasary Sadvaqasov Tımýr Habdýllaulyna izdeý jarııalandy, dep habarlady qandastar.kz

Ol asa iri kólemde qylmystyq is qozǵaý máselesin oń sheshý úshin memlekettik qyzmetshilerge para berýge úgittegedi jáne alaıaqtyq jasady degen kúdikke ilingen. «Atap aıtqanda, “Tıolaın” JShS-in basqarǵan kezeńde V.I. Dolgalev pen basqa da quryltaıshylar arasynda “Obýhovskoe” ken ornyna qatysý úlesi men onyń tabysyn bólýge baılanysty kelispeýshilikter týyndaǵan, olar sot arqyly sheshilgen. О́z kezeginde V.I. Dolgalev T.H. Sadvaqasov arqyly quqyq qorǵaý organdarynyń laýazymdy tulǵalaryn belgili bir kompanııa quryltaıshylaryna qarsy qylmystyq is qozǵaý úshin para berip satyp alýǵa tyrysty. Bul olardyń zańdy talaptarynan bas tartýyna jáne olarǵa qysym kórsetýge baǵyttalǵan áreket boldy. Aıta keteıik, Soltústik Qazaqstan oblysy boıynsha QMA departamenti “Tıolaın” JShS-niń “Obýhovskoe” ken ornynda óz betinshe paıdaly qazbalar óndirý deregi boıynsha tergeýdi aıaqtady», – delingen habarlamada.

Qazirgi ýaqytta is sotta qaralýda.

Osyǵan baılanysty T.H. Sadvaqasov bastapqyda shyǵarylǵan aqtaý úkiminiń kúshi joıylǵannan keıin sottan jasyrynǵan.

T.H. Sadvaqasovqa qatysty qamaýǵa alý túrindegi bultartpaý sharasy tańdaldy.