انتيكور رەجيسسەر ەرمەك تۇرسىنوۆقا قارسى تەرگەۋ جۇرگىزبەگەنىن مالىمدەدى

فوتو: instagram.com/tursunov_ermek/

سىبايلاس جەمقورلىققا قارسى ءىس-قيمىل اگەنتتىگى رەجيسسەر ەرمەك تۇرسىنوۆقا قاتىستى تەرگەۋ ءىس-شارالارىن جۇرگىزبەيتىنىن مالىمدەدى, دەپ جازدى qandastar.kz.

بۇل تۋرالى Stan.kz اقپارات اگەنتتىگى حابارلايدى.

اگەنتتىك دەرەگىنە سايكەس تۇرسىنوۆتىڭ Facebook جەلىسىندە بەرگەن اقپاراتى سىبايلاس جەمقورلىققا قارسى ءىس-قيمىل اگەنتتىگىنە بەلگىسىز.

“سونىمەن قاتار بۇعان دەيىن سىبايلاس جەمقورلىققا قارسى قىزمەتكە «ش. ايمانوۆ اتىنداعى «قازاقفيلم» اق ىشكى اۋديت قىزمەتىنىڭ قورىتىندىسىمەن جانە ارىزىمەن «دولگوە ەحو» كوركەم ءفيلمىن دايىنداۋ كەزىندە لاۋازىمدىق وكىلەتتىكتەرىن تەرىس پايدالانعانى ءۇشىن كينوستۋديانىڭ بۇرىنعى باسشىلىعىن قىلمىستىق جاۋاپكەرشىلىككە تارتۋ تۋرالى «ن» رەجيسسەرىنىڭ جۇگىنگەنىن حابارلايمىز. ونىڭ ارىزى نەگىزىندە سوتقا دەيىنگى تەرگەۋ باستالدى”, – دەلىنگەن حابارلامادا.

قوسالقى مەردىگەرلىك جۇمىستاردى جەتكىزۋشى «Alashfilm» جشس بولىپ تابىلدى, ونىڭ بۇرىنعى ديرەكتورى «ت» ازاماتى بولدى.

بۇدان ءارى ونىڭ بۇرىن «تۇرسىنوۆفيلم» جشس اياسىندا رەجيسسەر تۇرسىنوۆتىڭ بيزنەس-سەرىكتەسى جانە سەرىگى بولعانى انىقتالدى.

«Alashfilm» جشس بۇرىنعى ديرەكتورى «ت» قاتىسۋىمەن كۋاگەر مارتەبەسىندە بىرقاتار تەرگەۋ ارەكەتتەرى جۇرگىزىلدى. تۇرسىنوۆتىڭ ءوزى تەرگەۋ ورگانىنا شاقىرىلماعان. قازىرگى ۋاقىتتا ءىس بويىنشا ەشكىم كۇدىكتى دەپ تانىلعان جوق”, – دەپ قوستى انتيكوردىڭ ءباسپاسوز قىزمەتى.

قىلمىستىق-پروتسەستىك كودەكستىڭ 201-بابىنا سايكەس وزگە اقپارات جاريا ەتۋگە جاتپايدى.

بۇعان دەيىن ەرمەك تۇرسىنوۆ الەۋمەتتىك جەلىدەگى پاراقشاسىندا جازبا جاريالادى. سوزىنشە, قازاقستاندا مادەنيەت سالاسى داميدى دەپ ۇمىتتەنبەيدى. ونىڭ ۇستىنە وزىنە دە ۇنەمى قىسىم جاسالاتىنىن جازدى.

«ارينە, مۇنىڭ ءبارى كوڭى-كۇيدى تۇسىرەدى. بىراق مەن باسقا امال كورىپ تۇرعانىم جوق. ءبارىن قالاي بار, سولاي ايتاتىن بولساق, مەنى ەلگە سىيعىزبادى», – دەپ جازدى ول.