Antıkor rejısser Ermek Tursynovqa qarsy tergeý júrgizbegenin málimdedi

Foto: instagram.com/tursunov_ermek/

Sybaılas jemqorlyqqa qarsy is-qımyl agenttigi rejısser Ermek Tursynovqa qatysty tergeý is-sharalaryn júrgizbeıtinin málimdedi, dep jazdy qandastar.kz.

Bul týraly Stan.kz aqparat agenttigi habarlaıdy.

Agenttik deregine sáıkes Tursynovtyń Facebook jelisinde bergen aqparaty Sybaılas jemqorlyqqa qarsy is-qımyl agenttigine belgisiz.

“Sonymen qatar buǵan deıin Sybaılas jemqorlyqqa qarsy qyzmetke «Sh. Aımanov atyndaǵy «Qazaqfılm» AQ ishki aýdıt qyzmetiniń qorytyndysymen jáne aryzymen «Dolgoe eho» kórkem fılmin daıyndaý kezinde laýazymdyq ókilettikterin teris paıdalanǵany úshin kınostýdııanyń burynǵy basshylyǵyn qylmystyq jaýapkershilikke tartý týraly «N» rejısseriniń júgingenin habarlaımyz. Onyń aryzy negizinde sotqa deıingi tergeý bastaldy”, – delingen habarlamada.

Qosalqy merdigerlik jumystardy jetkizýshi «Alashfilm» JShS bolyp tabyldy, onyń burynǵy dırektory «T» azamaty boldy.

Budan ári onyń buryn «Tursynovfılm» JShS aıasynda rejısser Tursynovtyń bıznes-seriktesi jáne serigi bolǵany anyqtaldy.

«Alashfilm» JShS burynǵy dırektory «T» qatysýymen kýáger mártebesinde birqatar tergeý áreketteri júrgizildi. Tursynovtyń ózi tergeý organyna shaqyrylmaǵan. Qazirgi ýaqytta is boıynsha eshkim kúdikti dep tanylǵan joq”, – dep qosty Antıkordyń baspasóz qyzmeti.

Qylmystyq-proestik kodekstiń 201-babyna sáıkes ózge aqparat jarııa etýge jatpaıdy.

Buǵan deıin Ermek Tursynov áleýmettik jelidegi paraqshasynda jazba jarııalady. Sózinshe, Qazaqstanda mádenıet salasy damıdy dep úmittenbeıdi. Onyń ústine ózine de únemi qysym jasalatynyn jazdy.

«Árıne, munyń bári kóńi-kúıdi túsiredi. Biraq men basqa amal kórip turǵanym joq. Bárin qalaı bar, solaı aıtatyn bolsaq, meni elge syıǵyzbady», – dep jazdy ol.