Jańalyqtar
Antıkor «SQ-Farmaııa» týraly: Baqylaý joq, satyp alý júıeleri tıimsiz qurylǵan
Foto: ashyq derekkóz
Sybaılas jemqorlyqqa qarsy qyzmet «SQ-Farmaııa» kompanııasyn tekserý týraly aıtty, — dep habarlaıdy Tengrinews.kz tilshisi.
Dári-dármektermen sapaly qamtamasyz etý máselesiniń ózektiligine baılanysty «SQ-Farmaııada» taldaý júrgizilgeni aıtyldy.
«Kompanııada anyqtalǵan málimet boıynsha, satyp alý júıeleri tıimsiz qurylǵan, qajetsiz «tósemder» jasalǵan, kóterme jetkizýshilerdiń karteldik kelisimi bar jáne olardyń qyzmetine tıimdi baqylaý joq», — delingen habarlamada.
- Eske salaıyq, mamyrda básekelestikti qorǵaý jáne damytý agenttiginde júrgizilgen tergeý týraly habarlandy, onyń barysynda birneshe farmaevtıkalyq kompanııalarǵa qatysty ister sot tártibimen qaraldy. Osylaısha, «Medservıs plıýs» KFK» JShS, «Aqnıet» JShS jáne «Stofarm» JShS kompanııalary «SQ-Farmaııa» JShS júrgizetin dárilik zattardy tasymaldaý jáne saqtaý jónindegi qyzmetterdi satyp alý kezinde karteldik sóz baılasýǵa qatysqany úshin jaýapkershilikke tartyldy.
