انتيكور تۇركىستانداعى مەملەكەتتىك ساتىپ الۋ كەزىندەگى ولقىلىقتاردى انىقتادى

فوتو: اشىق دەرەككوز

تۇركىستان وبلىسىندا اۆتوموبيل جولدارىن سالۋ جانە جوندەۋ پروتسەستەرىن تالداۋ بارىسىندا باسەكەلەستىككە قايشى تاسىلمەن 2,2 ملرد تەڭگەگە نەگىزسىز شارتتار جاساسۋ فاكتىلەرى انىقتالدى, دەپ حابارلادى qandastar.kz

انتيكور مالىمەتىنشە, اكىمدىكتەر توتەنشە جاعدايلاردىڭ سالدارىن جويۋ نەمەسە زياتكەرلىك مەنشىك وبەكتىلەرىن ساتىپ الۋ قاجەتتىلىگى سىلتاۋىمەن ناقتى مەردىگەرلەردى ىرىكتەپ العان. بۇل كونكۋرستىق پروتسەدۋرالاردى اينالىپ وتۋگە جانە جۇمىس تاجىريبەسى مەن رەسۋرستارى جوق فيرمالارعا ارتىقشىلىق بەرۋگە مۇمكىندىك بەردى.

بۇل رەتتە ورتاشا جوندەۋ جۇرگىزۋگە ارنالعان سمەتاعا كۇتپەگەن شىعىستارعا ارنالعان شىعىندار نەگىزسىز ەنگىزىلىپ, بۇل جۇمىستاردىڭ 177 ملن تەڭگەگە قىمباتتاۋىنا الىپ كەلدى. سونىمەن قاتار, جەرگىلىكتى اتقارۋشى ورگاندار تالاپ ەتىلمەگەن جوبالاۋ-سمەتالىق قۇجاتتاما ازىرلەۋگە 210 ملن تەڭگە جۇمسادى, – دەلىنگەن انتيكور حابارلاماسىندا.

تالداۋ قورىتىندىسى بويىنشا مەملەكەتتىك ساتىپ الۋ راسىمدەرىنىڭ بۇزىلۋىنا جول بەرگەن كىنالى ادامدار جاۋاپكەرشىلىككە تارتىلىپ, تۇركىستان وبلىسىنىڭ اكىمدىگى جولداردى ورتاشا جوندەۋ بويىنشا كۇتپەگەن شىعىستاردى الىپ تاستادى.

سونداي-اق  halyq-uni.kz قارجىلاندىرۋ بولىنبەستەن جوبالاۋ-سمەتالىق قۇجاتتاما ازىرلەۋگە جول بەرمەيتىن زاڭنامالىق وزگەرىستەرگە باستاماشىلىق جاساعانىن جازدى.