Antıkor zańsyz aktıvten túsken qarjy qaıda jumsalatynyn aıtty

Foto: ashyq derekkóz

Bıyl zańsyz aktıvten túsken qarajatqa 18 jańa mektep salyndy, dep jazdy qandastar.kz

Onyń basym bóligi Astana qalasynda jáne Mańǵystaý, Almaty, Jambyl oblystarynda turǵyzyldy. Jańa nysandar úsh aýysymdy, apatty jáne eski mekteptegi oryn tapshylyǵy máselesin sheshýge múmkindik berdi. 

Jalpy 83 mekteptiń qurylysyna 153 mlrd teńge baǵyttalǵan. Sonyń 56-sy qoldanysqa berilgen. 2025 jyly taǵy 17 bilim ordasyn salý kózdelgen. 

“Agenttik 2022 jyldan bastap memleket pen kvazımemlekettik sektor sýbektilerine 1 trıllıon 100 mlrd teńgeden astam somasynda múliktik aktıvter men qarajattyń qaıtarylýyn qamtamasyz etti, olardan 321,6 mlrd teńge aqsha qarajat tikeleı bıýdjetke qaıtaryldy”, — dedi Sybaılas jemqorlyqqa qarsy is-qımyl agenttiginiń resmı ókili Danııar Begaıdarov. 

Sondaı-aq qaıtarylǵan zańsyz aktıvterdiń ishinde bıznes jáne lıýks nysandar bar. Búginde basym bóligin bilim berý mekemeleri paıdalanyp otyr.

Almatydaǵy «Maisat» bıznes ortalyǵy «Geografııa jáne sý qaýipsizdigi  ınstıtýty»-nyń menshigine aýdaryldy. «Kaisar Tower» ortalyǵy «Qazaq ulttyq qyzdar pedagogıkalyq ýnıversıtetine» berildi. Aqmola oblysyndaǵy rezıdenııa 135 gektar jer ýchaskesimen birge Astana qalasynyń bilim basqarmasyna ótti. Ol jerde balalarǵa arnalǵan demalys ornyn ashý josparlanǵan.