انتيكور جاڭا جوبانى قولعا الدى

تاراتىلعان اقپاراتقا سۇيەنسەك, مەملەكەتتىك قاراجاتتىڭ جۇمسالۋىنا باقىلاۋدى كۇشەيتۋ ماقساتىندا بيۋدجەتتى يگەرۋ كەزىندە «اقشانى بوياۋ» تەتىگىن ەنگىزۋ جونىندەگى جوبانى ىسكە اسىرۋ جانە ماسشتابتاۋ جۇزەگە اسىرىلادى.

«بۇل تەتىك «تسيفرلىق تەڭگە» پلاتفورماسىندا ىسكە اسىرىلىپ, قاراجاتتى جۇمساۋ كەزىندە اشىقتىقتى قامتاماسىز ەتۋدىڭ جانە جەمقورلىق تاۋەكەلدەرىن ازايتۋدىڭ ماڭىزدى قۇرالى بولىپ تابىلادى. بۇل بيۋدجەتتىك اقشانى بولۋدەن باستاپ تولىق يگەرۋگە دەيىنگى بارلىق كەزەڭدەردە پايدالانۋدى باقىلاۋعا مۇمكىندىك بەرەدى. ءاربىر تەڭگە بىرەگەي تسيفرلىق بەلگىنى الىپ, جىمقىرۋ مۇمكىندىگىن بولدىرمايدى جانە بيۋدجەتتى ۇتىمدى پايدالانۋعا ىقپال ەتەدى.»,- دەلىنگەن ۆەدومستۆو مالىمەتىندە.

2024 جىلدىڭ 19 جەلتوقسانىندا سىبايلاس جەمقورلىققا قارسى ءىس-قيمىل اگەنتتىگى اتالعان جوبانى ىسكە اسىرۋ ماسەلەلەرى بويىنشا ۆەدومستۆوارالىق كەڭەس وتكىزدى. وعان پارلامەنت ءماجىلىسىنىڭ دەپۋتاتتارى, ۇلتتىق بانكتىڭ, قارجى, كولىك, ونەركاسىپ جانە قۇرىلىس, اۋىل شارۋاشىلىعى مينيسترلىكتەرىنىڭ, سونداي-اق مۇددەلى مەملەكەتتىك ورگاندار مەن ۇيىمداردىڭ وكىلدەرى قاتىستى.

«بۇگىنگى تاڭدا جوبالاردى ىسكە اسىرۋ اۋىل شارۋاشىلىعى, اۆتوموبيل جانە تەمىرجول قۇرىلىسى سياقتى ستراتەگيالىق ماڭىزدى سەكتورلاردا باستالدى».سىبايلاس جەمقورلىققا قارسى قىزمەت اگەنتتىگى

اقمولا وبلىسىندا «اۋىل اماناتى» باعدارلاماسى اياسىندا اۋىل شارۋاشىلىعى جانۋارلارىن ساتىپ الۋعا ميكروكرەديتتەر بەرۋ جانە تەحنيكا شىعىندارىن سۋبسيديالاۋ سىناقتان وتۋدە.