Antıkor jańa jobany qolǵa aldy

Taratylǵan aqparatqa súıensek, memlekettik qarajattyń jumsalýyna baqylaýdy kúsheıtý maqsatynda bıýdjetti ıgerý kezinde «aqshany boıaý» tetigin engizý jónindegi jobany iske asyrý jáne masshtabtaý júzege asyrylady.

«Bul tetik «ıfrlyq teńge» platformasynda iske asyrylyp, qarajatty jumsaý kezinde ashyqtyqty qamtamasyz etýdiń jáne jemqorlyq táýekelderin azaıtýdyń mańyzdy quraly bolyp tabylady. Bul bıýdjettik aqshany bólýden bastap tolyq ıgerýge deıingi barlyq kezeńderde paıdalanýdy baqylaýǵa múmkindik beredi. Árbir teńge biregeı ıfrlyq belgini alyp, jymqyrý múmkindigin boldyrmaıdy jáne bıýdjetti utymdy paıdalanýǵa yqpal etedi.»,- delingen vedomstvo málimetinde.

2024 jyldyń 19 jeltoqsanynda Sybaılas jemqorlyqqa qarsy is-qımyl agenttigi atalǵan jobany iske asyrý máseleleri boıynsha vedomstvoaralyq keńes ótkizdi. Oǵan Parlament Májilisiniń depýtattary, Ulttyq Banktiń, qarjy, kólik, ónerkásip jáne qurylys, aýyl sharýashylyǵy mınıstrlikteriniń, sondaı-aq múddeli memlekettik organdar men uıymdardyń ókilderi qatysty.

«Búgingi tańda jobalardy iske asyrý aýyl sharýashylyǵy, avtomobıl jáne temirjol qurylysy sııaqty strategııalyq mańyzdy sektorlarda bastaldy».Sybaılas jemqorlyqqa qarsy qyzmet agenttigi

Aqmola oblysynda «Aýyl amanaty» baǵdarlamasy aıasynda aýyl sharýashylyǵy janýarlaryn satyp alýǵa mıkrokredıtter berý jáne tehnıka shyǵyndaryn sýbsıdııalaý synaqtan ótýde.