«انتيكورداعى تۋىس» جانە جوعالعان ميلليون: بيشىمباەۆتار كىممەن سوتتاسۋدا?

فوتو: اشىق دەرەككوز

ەكس-مينيستر قۋاندىق بيشىمباەۆتىڭ اتا-اناسى تۋىستارى بەكزات جانە قايرات كەمەلوۆتەردى سوتقا بەردى دەپ جازادى qandastar.kz Ertenmedia.kz-كە سىلتەمە جاساپ.

بۇرىنعى شەنەۋنىكتىڭ اناسى ءالميرا نۇرلىبەكوۆا بەكزات كەمەلوۆانى «ميلليون دوللارعا جۋىق اقشانى الاياقتىق جولمەن الدى» دەپ ايىپتاسا, ونىڭ كۇيەۋى قايرات كەمەلوۆتى «جالا جاپتى» دەپ كىنالاپ وتىر.

ادۆوكات ەرلان عازىمجانوۆتىڭ ايتۋىنشا, داۋ قۋاندىق بيشىمباەۆ ۇستالعان 2023 جىلى باستالعان. سول كەزدە بەكزات كەمەلوۆا بيشىمباەۆتاردىڭ ۇيىنە ءجيى كەلگىشتەپ, وتباسىنداعى جاعدايدى پايدالانىپ كەتكەن.

«كەمەلوۆا قۋاندىقتىڭ اناسىنا «انتيكوردا» ىستەيتىن تۋىسىمىز بار, سىزدەردىڭ ۇيلەرىڭىزدە جاقىندا ءتىنتۋ جۇرگىزىلەدى. قۇندى دۇنيەلەرىڭىز بولسا بىزگە بەرىڭىز, كەيىن قايتارىپ بەرەمىز» دەپ, 990 مىڭ دوللار (506 ميلليون تەڭگە) اقشانى العان. الايدا, قۋاندىققا ۇكىم شىققاننان كەيىن, اقشانى قايتارۋدان باس تارتقان», – دەدى ادۆوكات.

ءبىراز ۋاقىتتان كەيىن بيشىمباەۆتىڭ اتا-اناسى اقشاسىن قايتارۋدى تالاپ ەتىپ, بەكزات كەمەلوۆانىڭ ۇيىنە بارعاندا, ول جەردە باسقا تۋىستارى تۇرىپ جاتقان بولىپ شىققان. ال بەكزات كەمەلوۆا كۇيەۋىمەن بىرگە وسى ارالىقتا استانانىڭ سول جاعالاۋىنان ەكى بىردەي جاڭا پاتەر ساتىپ العانى بەلگىلى بولدى.

ءوز كەزەگىندە قايرات كەمەلوۆ (بەكزاتتىڭ كۇيەۋى ءارى سوت-مەديتسينالىق ساراپشى) «بيشىمباەۆتاردىڭ ايىپتاۋى ايەلى بەكزاتتىڭ مارقۇم سالتاناتتىڭ ءولىمى بويىنشا ساراپتاما ناتيجەسىنە ىقپال ەتۋدەن باس تارتقانى ءۇشىن كەك الۋ» دەپ مالىمدەپ وتىر.

بيشىمباەۆتار بۇل ءسوزدى «جالا جابۋ» دەپ ەسەپتەپ, قايراتتى دا سوتقا بەرگەن.

2024 جىلدىڭ 2 قازانىندا بيشىمباەۆتار قۇقىق قورعاۋ ورگاندارىنا ارىز ءتۇسىرىپ, قىلمىستىق ءىس قوزعالعان. 2025 جىلدىڭ قاڭتارىندا بەكزات كەمەلوۆا قاماۋعا الىنعان, الايدا كەيىن ونىڭ بۇلتارتپاۋ شاراسى وزگەرتىلىپ, ۇيقاماققا جىبەرىلگەن.

قازىر سوت پروتسەسى جالعاسۋدا. بيشىمباەۆتار تاراپى وزدەرىنىڭ «ار-نامىسى مەن ابىرويىن قورعاۋ ءۇشىن سوتتاسىپ جاتقانىن» ايتىپ وتىر.