«Antıkordaǵy týys» jáne joǵalǵan mıllıon: Bıshimbaevtar kimmen sottasýda?

Foto: ashyq derekkóz

Eks-mınıstr Qýandyq Bıshimbaevtyń ata-anasy týystary Bekzat jáne Qaırat Kemelovterdi sotqa berdi dep jazady qandastar.kz Ertenmedia.kz-ke silteme jasap.

Burynǵy sheneýniktiń anasy Álmıra Nurlybekova Bekzat Kemelovany «mıllıon dollarǵa jýyq aqshany alaıaqtyq jolmen aldy» dep aıyptasa, onyń kúıeýi Qaırat Kemelovti «jala japty» dep kinálap otyr.

Advokat Erlan Ǵazymjanovtyń aıtýynsha, daý Qýandyq Bıshimbaev ustalǵan 2023 jyly bastalǵan. Sol kezde Bekzat Kemelova Bıshimbaevtardyń úıine jıi kelgishtep, otbasyndaǵy jaǵdaıdy paıdalanyp ketken.

«Kemelova Qýandyqtyń anasyna «Antıkorda» isteıtin týysymyz bar, sizderdiń úılerińizde jaqynda tintý júrgiziledi. Qundy dúnıelerińiz bolsa bizge berińiz, keıin qaıtaryp beremiz» dep, 990 myń dollar (506 mıllıon teńge) aqshany alǵan. Alaıda, Qýandyqqa úkim shyqqannan keıin, aqshany qaıtarýdan bas tartqan», – dedi advokat.

Biraz ýaqyttan keıin Bıshimbaevtyń ata-anasy aqshasyn qaıtarýdy talap etip, Bekzat Kemelovanyń úıine barǵanda, ol jerde basqa týystary turyp jatqan bolyp shyqqan. Al Bekzat Kemelova kúıeýimen birge osy aralyqta Astananyń sol jaǵalaýynan eki birdeı jańa páter satyp alǵany belgili boldy.

О́z kezeginde Qaırat Kemelov (Bekzattyń kúıeýi ári sot-medıınalyq sarapshy) «Bıshimbaevtardyń aıyptaýy áıeli Bekzattyń marqum Saltanattyń ólimi boıynsha saraptama nátıjesine yqpal etýden bas tartqany úshin kek alý» dep málimdep otyr.

Bıshimbaevtar bul sózdi «jala jabý» dep eseptep, Qaıratty da sotqa bergen.

2024 jyldyń 2 qazanynda Bıshimbaevtar quqyq qorǵaý organdaryna aryz túsirip, qylmystyq is qozǵalǵan. 2025 jyldyń qańtarynda Bekzat Kemelova qamaýǵa alynǵan, alaıda keıin onyń bultartpaý sharasy ózgertilip, úıqamaqqa jiberilgen.

Qazir sot proesi jalǵasýda. Bıshimbaevtar tarapy ózderiniń «ar-namysy men abyroıyn qorǵaý úshin sottasyp jatqanyn» aıtyp otyr.