انتيكوردىڭ بۇرىنعى باسشىسى تاتۋباەۆ ءىسى: قازىر نە بەلگىلى?

فوتو:Dalanews.kz

انتيكوردىڭ بۇرىنعى باسشىسى تالعات تاتۋباەۆ ىسىنە قاتىستى تاعى ءبىر دەرەك شىقتى, دەپ حابارلايدى  qandastar.kz  Dalanews.kz-كە سىلتەمە جاساپ.

Tengrinews.kz باس پروكۋراتۋراعا رەسمي ساۋال جولداعان.

«سوتالدى تەرگەۋ جالعاسىپ, قوسىمشا دالەل جيناۋعا باعىتتالعان تەرگەۋ ارەكەتتەرى جۇرگىزىلىپ جاتىر», — دەپ جازىلعان جاۋاپتا.

ەسكە سالايىق, بۇعان دەيىن انتيكوردىڭ بۇرىنعى باسشىسى تالعات تاتۋباەۆ ۇستالعانى راستالدى. بۇل اقپاراتتى باس پروكۋراتۋرا راستادى.

«3 شىلدەدە قىلمىستىق كودەكستىڭ 146-بابى 2-بولىگىنىڭ 1), 2) تارماقتارىندا كوزدەلگەن قىلمىستى (ازاپتاۋ) جاسادى دەگەن كۇدىكپەن سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ بۇرىنعى باسشىسى ت.م. تاتۋباەۆ ۇستالدى», — دەپ جازىلعان بۇعان دەيىنگى حابارلامادا.

Elmedia باسىلىمىنىڭ دەرەككوزىنە سۇيەنسەك, تالعات تاتۋباەۆقا «بتا بانك» قىزمەتكەرلەرىنە قاتىستى ازاپتاۋ تاسىلدەرىن قولداندى دەگەن اۋىر ايىپ تاعىلىپ وتىر. بۇل دەرەك بۇرىننان بەرى قۇقىق قورعاۋشىلار مەن ادۆوكاتتار تاراپىنان كوتەرىلىپ كەلە جاتقان, بانك اكتيۆتەرى ءۇشىن بولعان قاقتىعىس كەزەڭىندەگى ءىرى ءىستىڭ جالعاسى بولۋى مۇمكىن.